کراچی میں آٹا اور چینی سب سے مہنگا، دونوں کی فی کلو قیمت کیا ہے؟

ملک بھرمیں آٹےکی قیمتوں میں مزید اضافہ ہوگیا ہے، حالیہ ایک ہفتے میں بیس کلو آٹے کے تھیلے کی قیمت میں 300 روپے تک کا اضافہ ہوا ہے۔ تفصیلات کے مطابق کراچی کے شہری ملک میں سب سے مہنگا آٹا اور چینی خریدنے پرمجبور ہیں۔ شہر قائد میں میں 20 کلوآٹے کے تھیلے کی قیمت 2100 روپے تک پہنچ گئی ہے۔

حالیہ ہفتے کراچی،لاڑکانہ اور خضدار میں آٹے کے 20 کلو تھیلے کی قیمت 300روپےتک بڑھ گئی، اسی دوران حیدرآباد اورسکھر میں آٹے کا 20کلو کاتھیلا 280 تک مہنگا ہوا ہے۔ میڈیا رپورٹ کے مطابق ایک ہفتے میں کوئٹہ میں آٹے کے 20 کلو تھیلےکی قیمت210 روپے، اسلام آباد، راولپنڈی، پشاور، بنوں اورملتان میں آٹے کے 20 کلو تھیلے کی قیمت 200 روپے تک بڑھی۔

مزید پڑھیں:کراچی اور اسلام آباد میں آٹا سب سے مہنگا، 20 کلو کا تھیلا کتنے کا ہوگیا؟

وفاقی ادارہ شماریات نےچینی کی قیمتوں کے نئے اعداد و شمار جاری کر دیے، ملک میں چینی کی زیادہ سے زیادہ قیمت 195 روپے فی کلو پر برقرار ہے، کراچی کے شہری ملک میں سب سے مہنگی 195 روپے فی کلو تک چینی خریدنے پرمجبور ہیں۔

ملک میں ایک ہفتے میں چینی کی اوسط قیمت میں 25 پیسے فی کلو کا مزید اضافہ ہوا ہے، ملک میں چینی کی اوسط قیمت بڑھ کر 181 روپے 59 پیسے فی کلو ہوگئی۔ گزشتہ ہفتے تک چینی کی اوسط قیمت 181 روپے 34 پیسے فی کلو تھی، ایک سال قبل ملک میں چینی کی اوسط قیمت 143 روپے 9 پیسے فی کلو تھی، پنجاب میں چینی کی زیادہ سے زیادہ قیمت 190 روپے فی کلو تک ہے۔