-
-
کراچی میں چہلم حضرت امام حسین ؓ کے مرکزی جلوس کے موقع پر شہریوں کی سہولت کیلیے ٹریفک پولیس کی جانب 15 اگست بروز جمعہ کیلیے ٹریفک پلان جاری کردیا گیا ہے۔
تفصیلات کے مطابق چہلم حضرت امام حسین ؓ کا مرکزی جلوس 15 اگست کو نشتر پارک سے روانہ ہوگا اور اپنے روایتی مقررہ راستوں سے ہوتا ہوا حسینیہ ایرانیاں امام بارگاہ پرپہنچ کر اختتام پذیر ہو گا۔ ٹریفک پولیس کے مطابق سیکیورٹی وجوہات کی بناء پر ایم اے جناح روڈ گرومندر سے ٹاور تک بند رہیگا۔
متبادل راستے (برائے ڈسٹرکٹ سینٹرل)
مرکزی جلوس کے موقع پر ناظم آباد سے آنے والے افراد لسبیلہ چوک سے نشتر روڈ کی جانب گارڈن سے ہوتے ہوئے اپنی منزل کی جانب جا سکتے ہیں۔ لیاقت آباد سے آنے والے افراد کو تین ہٹی سے دائیں جانب لسبیلہ چوک اور بائیں جانب ٹرن کرکے سینٹرل جیل (مارٹن روڈ)کی جانب جانا ہوگا۔
حسن اسکوائرسے پی پی چورنگی جانے والے افراد جیل فلائی اوور کے نیچے سے کشمیر روڈ سے سوسائٹی لائٹ سگنل (شاہراہ قائدین) اور جیل فلائی اوور سے تین ہٹی سے نشتر روڈ (لسبیلہ چوک) جاسکتے ہیں۔
متبادل راستے (برائے ڈسٹرکٹ ایسٹ)
شاہراہ فیصل سے شاہراہ قائدین (نورانی کباب) سے نمائش جانے والے افراد سوسائٹی لائٹ سگنل سے دائیں جانب کشمیر روڈسے اپنی منزل کی جانب جا سکیں گے۔ سینٹرل جیل گیٹ (جمشید روڈ) سے گرومندر ایم اے جناح روڈ کی جانب جانے والے افراد گرومندر سے بہاردر یار جنگ روڈ سولجر بازار سے اپنی منزل کی جانب جا سکیں گے۔
متبادل راستے (برائے ڈسٹرکٹ ساؤتھ)
گارڈن چڑیا گھر سے ایم اے جناح روڈ جانے والے افراد انکل سریا سے دائیں جانب گل پلازہ اور بائیں جانب کوسٹ گارڈ ہولی فیملی ہسپتال سے اپنی منزل کی جانب جاسکتے ہیں۔
متبادل راستہ برائے ہیوی ٹریفک
گلبرگ سے ایم اے جناح روڈ
تمام ہیوی / کمرشل ٹریفک جو کہ سپر ہائی وے، گلبرگ سے ایم اے جناح روڈ کی طرف جانا چاہے اسے لیاقت آباد نمبر10 سے ناظم آباد چورنگی نمبر2 کی طرف موڑ دیا جائے گا جو براستہ حبیب بینک فلائی اوور، اسٹیٹ ایونیو روڈ، شیرشاہ سے ماڑی پور تک جاسکے گی اور اسی طر ح واپسی کے لئے یہی راستہ اختیا کیا جائے گا۔
شاہراہ فیصل / راشد منہاس روڈ
تمام ہیوی / کمرشل ٹریفک جو کہ نیشنل ہائی وے کی جانب سے شہر کی طرف جانا چاہے وہ براستہ شاہراہ فیصل یا براستہ راشد منہاس روڈ، اسٹیڈیم روڈ، سر شاہ سلیمان روڈ، حسن اسکوائر، لیاقت آبادنمبر 10، ناظم آباد چورنگی نمبر2، حبیب بینک فلائی اوور، اسٹیٹ ایونیو روڈ، شیرشاہ سے ماڑی پور تک آنے کی اجازت ہو گی اور اسی طر ح واپسی کے لئے یہی راستہ اختیا کیا جائے گا۔
ٹریفک پولیس کے مطابق ہر قسم کی چھوٹی یا بڑی ٹریفک کو گرومندر چوک سے آگے جلوس کے روٹ پر جانے کی اجازت نہیں ہو گی۔ اس تمام ٹریفک کو، بہادر یار جنگ روڈ سولجر بازار کی طرف موڑ دیا جائے گا۔
ایم اے جناح روڈ پر ہر قسم کی گاڑی کا داخلہ ممنوع ہے ماسوائے ان گاڑیوں کے جن کی ۔۔۔۔ پر جلوس میں شامل ہونے کا اسٹیکر چسپاں ہوگا۔ جلوس میں شامل ہونے کیلئے اسٹیکر والی گاڑیاں براستہ شاہراہ قائدین سوسائٹی لائٹ سگنل سے داخلے کی اجازت ہوگی۔
جلوس کے شرکاء کیلیے راستہ:
ناظم آباد سے آنے والے شرکاء لسبیلہ، البیلا، سے دائیں جانب گارڈن جماعت خانہ، سولجر بازارنمبر 3 لائٹ سگنل سے ہوتے ہوئے نمائش پہنچیں گے، جبکہ لیاقت آباد سے آنے والے تین ہٹی، جہانگیر روڈ، گرومندر سے ہوتے ہوئے نمائش پہنچیں گے۔ سو سائٹی لائٹ سگنل سے آنے والے سیدھ نمائش آ سکیں گے۔ گلستان جوہر و گلشن اقبال سے آنے والے شرکاء یونیورسٹی روڈ، پرانی سبزی منڈی، کشمیر روڈ، سوسائٹی لائٹ سگنل سے ہوتے ہوئے نمائش آ سکیں گے۔
سبیل یا نیا ز والی گاڑی کیلیے راستہ:
وہ تمام گاڑیاں جو سبیل یا نیاز یا تبرک تقیم کرنے کے لئے جلوس میں شامل ہوں گی۔ ان گاڑیوں کا جلوس میں انٹڑی پوائنٹ (داخلے کا مقام) ٹاور سے داخل ہونگی۔ اسکے علاوہ سبیل اور نیاز والی گاڑیاں براستہ لیاری ایکسپریس وے گارڈن انٹر چینج سے اتر کر آغا خان سوئم روڈ انکل سریا، ناصرہ اسکول کیپری لائٹ سگنل سے داخل ہونگی۔ مزید سبیل/نیاز والی گاڑیاں بہادر یار جنگ (سولجر بازار) سے ہولی فیملی ہسپتال دائیں ناصرہ اسکول کیپر ی لائٹ سگنل کار استہ اختیار کر کے جلوس میں شامل ہوسکتیں ہیں۔
ٹریفک پولیس کے مطابق کسی بھی گاڑی کو جلوس کے روٹ پر گاڑی کھڑی کرنیکی اجازت نہیں ہوگی۔
