شینگن ممالک جانے والے افراد دوران سفر کونسی اشیاء لے جا سکتے ہیں؟

اگر آپ شینگن ممالک کا سفر کرنے کا سوچ رہے ہیں تو آپ کیلیے یہ جانا ضروری ہے کہ یورپی یونین میں کونسی اشیاء لے جانے کی اجازت ہے اور کونسی لے جانا ممنوع قرار ہے۔ خلاف ورزی پر سخت کارروائی کا سامنا کرنا ہوگا۔

یورپی یونین ملک کے اندر سفر کے دوران کونسی اشیاء لے جا سکتے ہیں:

گلف نیوز کی رپورٹ کے مطابق یورپی یونین میں سفر کرنے والا کوئی بھی شخص گوشت یا دودھ کی مصنوعات اپنے ساتھ لے جا سکتا ہے لیکن ضروری ہو کہ وہ ذاتی استعمال کے لیے ہی ہوں، کٹے ہوئے پھولوں، پھلوں یا سبزیوں پر قانون ہے کہ وہ یورپی یونین کے کسی ملک میں اگائے گئے ہوں اور کیڑوں یا بیماریوں سے پاک ہوں تو انہیں لے جایا جا سکتا ہے۔ یہ قوانین اس وقت بھی لاگو ہوتے ہیں جب مسافر اپنے سامان میں گوشت، ڈیری یا پودوں کی مصنوعات لے جائیں، یا اگر وہ انہیں آن لائن آرڈر کرتے ہیں یا ڈاک کے ذریعے بھیجتے ہیں۔

تاہم، پاؤڈر والے بچوں کے دودھ (10 کلوگرام سے کم)، بچوں کی خوراک، طبی وجوہات کے لیے درکار خوراک، اور پالتو جانوروں کی خصوصی خوراک پر حدود مقرر کی گئی ہیں۔

الکحل اور تمباکو:

الکحل اور تمباکو جیسی اشیاء بھی ساتھ لے جائی جا سکتی ہیں بشرطیکہ وہ ذاتی استعمال کے لیے ہوں اور دوبارہ فروخت کے لیے نہ ہوں۔ لیکن ان پر بھی حد مقرر کی گئی ہیں جیسے 800 سگریٹ، 1 کلو تمباکو، 10 لیٹر اسپرٹس، لے جانے کی اجازت ہے ۔

نقدی کیلیے قواعد:

یورپی یونین کے درمیان سفر کے دوران نقدی کے ساتھ سفر کرنے کے بارے میں کوئی واضح قواعد نہیں ہیں۔ تاہم، مسافروں کو ہمیشہ سفر کرنے سے پہلے مقامی کسٹم حکام سے یہ چیک کرنا چاہیے کہ آیا روانگی، ٹرانزٹ اور آمد کے ملک میں مقامی قواعد کیا ہیں۔

غیر یورپی یونین ملک سے یورپی یونین کا سفر کرتے دوران کیا لے جا سکتے ہیں:

جو لوگ کسی غیر یورپی یونین ملک سے یورپی یونین کا سفر کر رہے ہیں انہیں کوئی بھی گوشت یا ڈیری مصنوعات ساتھ لے جانے کی اجازت نہیں ہے۔ تاہم، مسافر محدود مقدار میں پھل اور سبزیاں کے ساتھ ساتھ انڈے، انڈے کی مصنوعات اور شہد لے جا سکتے ہیں۔

مچھلی یا مچھلی کی مصنوعات کی محدود مقدار بھی لے جانے کی اجازت ہے۔ زیادہ تر یورپی یونین ممالک میں نایاب جانوروں یا پودوں کو لے جانے پر سخت قواعد موجود ہیں، اور کچھ صورتوں میں، اجازت نامہ بھی درکار ہو سکتا ہے۔

مسافر یورپی یونین میں کچھ مخصوص سامان بھی ۔۔۔۔ لا سکتے ہیں لیکن وہ ایکسائز ڈیوٹی کے بغیر ہوں اور بشرطیکہ وہ دوبارہ فروخت کے لیے نہ ہوں اور مقررہ حدود میں ہی ہوں۔ فی مسافر 300 یورو مالیت تک پرفیوم لے جا سکتے ہیں یا ہوائی اور سمندری راستے سے سفر کرنے والے مسافر 430 یورو تک پرفیوم لے جا سکتے ہیں۔

یورپی یونین کے ارد گرد ھاڑیاں چلانے والے ایندھن کے ٹینک میں موجود ایندھن کے علاوہ پورٹیبل کنٹینر میں زیادہ سے زیادہ 10 لیٹر ایندھن لے جا سکتے ہیں۔ وہ مسافر جو 10,000 یورو نقد (یا دوسری کرنسیوں میں اس کے مساوی) کے ساتھ یورپی یونین میں داخل ہونے یا نکلنے کا ارادہ رکھتے ہیں انہیں اسے یورپی یونین کے ملک میں کسٹم حکام کو ظاہر کرنا ہوگا وہ بھی یورپی یونین کے کیش ڈیکلریشن فارم کا استعمال کرتے ہوئے، جو لوگ کیش ڈیکلریشن جمع نہیں کرتے، یا اگر کیش ڈیکلریشن غلط یا نامکمل ہوگی، تو انہیں جرمانے کا سامنا کرنا پڑے گا۔

خلاف ورزی پر کارروائی:

یورپی یونین میں سفر کے دوران عائد کردہ قوانین کی خلاف ورزی پر سخت قانونی کارروائی کا سامنا کرنا ہوگا جس میں سامان کی ضبطی، جرمانہ یہاں تک کہ فوجداری کارروائی اور مقدمہ درج بھی ہو سکتا ہے۔