سندھ میں آج سے بارش کی پیش گوئی، کراچی میں کیا بارش ہوگی؟

محکمہ موسمیات نے آج سے سندھ میں بارش کی پیش گوئی کردی ہے۔ محکمہ موسمیات  کا کہنا ہے کہ شہر قائد میں آج بارش کا کوئی امکان نہیں ہے۔

محکمہ موسمیات کے مطابق سندھ میں بارشوں کا سلسلہ آج دادو سے شروع ہوگا، کراچی میں کل سے مون سون کا تیسرا اسپیل شروع ہوگا جس کے زیر اثر شہرقائد میں گرج چمک کے ساتھ تیز بارش متوقع ہے۔

محکمہ موسمیات کا کہنا ہے کہ شہر کا زیادہ سے زیادہ درجۂ حرارت 35 ڈگری سینٹی گریڈ تک جا سکتا ہے، ہوا میں نمی کا تناسب 75 فیصد ہے۔ دوسری جانب جنوبی پنجاب، خیبر پختونخوا، بلوچستان اور گلگت بلتستان میں بھی مزید بارشوں کا امکان ہے۔

مزید پڑھیں:ملک کے مختلف علاقوں میں اگلے 24گھنٹوں کے دوران شدید بارشوں کا امکان

واضح رہے کہ پنجاب بھر میں دو روز کے دوران طوفانی بارشوں نے تباہی مچادی تھی، راولپنڈی میں گزشتہ روز 15 گھنٹے میں 230 ملی میٹر بارش برسنے پر ندی نالے بپھر گئےتھے ، نالہ لئی کی سطح خطرناک حد تک بلند ہونے پر سائرن بجادیے گئے تھے جبکہ پاک فوج گوالمنڈی پل پہنچ گئی تھی۔

چکوال میں کلاؤڈ برسٹ کے بعد 423 ملی میٹر بارش برسنے پر ڈیم کا بند ٹوٹ گیا تھا جبکہ 24 گھنٹے میں پنجاب بھر میں حادثات و واقعات میں درجنوں افراد جاں بحق اور سیکڑوں زخمی ہوگئے تھے۔

Web Desk