اسلام آبادمیں مارگلہ ایونیو پر نئی یادگار کی تنصیب، عوامی ردعمل پر ماڈل کو کپڑے سے ڈھانپ دیا گیا

اسلام آباد میں مارگلہ ایونیو پر نئی یادگار کی تنصیب پر کام روک دیا گیا ہے اور ماڈل کو کپڑے سے ڈھانپ دیا گیا ہے۔ وفاقی دارالحکوت اسلام آباد میں نصب کی جانے والی ایک نئی یادگار سوشل میڈیا پر بحث کا موضوع بن گئی۔

تفصیلات کے مطابق اسلام آباد انتظامیہ کی جانب سے حال ہی میں وفاقی دارالحکومت کے علاقہ مارگلہ ایونیو راؤنڈ اباؤٹ پر ایک نئی یادگار نصب کی گئی ہے جس کے بارے میں کہا جارہا ہے کہ اس سے شہر کی خوبصورتی میں اضافہ ہوگا، نئی تنصیب شدہ یادگار کا جائزہ لیں تو اس میں دو انسانی ہاتھ بلند ہوتے دکھائی دے رہے ہیں، گولڈن رنگ کے ان دونوں ہاتھوں میں سفید گیند نما کوئی چیز نظر آرہی ہے۔

اس یادگار کو نصب کیے جانے کے بعد سے یہ سوشل میڈیا پر بحث کا موضوع بنی ہوئی ہے، جس کے بارے میں صارفین کے دلچسپ اور سوالیہ تبصرے جاری ہیں۔ اسی حوالے سوشل میڈیا پر ایک صارف نے کہا ’آج آفس آتے ہوئے یہ شاہکار دیکھا پر کچھ سمجھ نہ آیا، نہ ہی آنکھوں کو بھایا، یہ ہے کیا بھائی؟‘

آج آفس آتے ہوئے یہ شاہکار دیکھا پر کچھ سمجھ نا آیا نا ہی آنکھوں کو بھایا۔
یہ ہے کیا بھائی؟ pic.twitter.com/snCuH4XPoJ

— Nadia Mirza (@nadia_a_mirza) July 13, 2025

ایک صارف نے پوچھا کہ ’یہ کس کا ویژن ہے سر؟‘۔ ایک صارف نے دعویٰ کیا ہے کہ ’حکومت کی جانب سے اس عظیم یادگار کی تنصیب پر اچانک کام روک دیا گیا ہے، میڈیا کوریج پر پابندی لگا دی گئی ہے اور وجہ بھی نہیں بتائی جارہی‘۔

یہ کس کا ویژن ہے سر؟ pic.twitter.com/Dr5JlavjMr

— Rizwan Ghilzai (Remembering Arshad Sharif) (@rizwanghilzai) July 13, 2025

حکومت کی جانب سے اس عظیم یادگار کی تنصیب پر اچانک کام روک دیا گیا ہے، میڈیا کوریج پر پابندی لگا دی گئی ہے۔ وجہ بھی نہیں بتائی جارہی۔۔😇 pic.twitter.com/tuqTvLL2JG

— Nadir Baloch (@BalochNadir5) July 13, 2025

اس پر ایک اور صارف نے کہا کہ ’موجودہ حکومت کی شاہکار یادگار ہے، اس کو جلد مکمل کرنی چاہیئے، میڈیا پر کوریج سے پابندی عجیب ہے ورنہ اس سٹیچو میں خوبصورت پیغام ہے جو آئندہ نسلوں کو منتقل کرنا ہوگا، اس میں یہی واضح ہو رہا ہے کہ دنیا ہماری ہاتھ میں ہے جو کہ کسی بھی قوم کی خواہش و ارمان ہوتی ہے‘۔