-
-
کراچی کی مقامی عدالت نے گھر والوں کو یرغمال بناکر لوٹنے والے ملزم کو سزا سنادی ہے۔
کراچی کے ایڈیشنل ڈسٹرکٹ اینڈ سیشن جج غربی نے گھر والوں کو یرغمال بناکرلوٹ مار کرنے کے کیس کی سماعت کی جس دوران عدالت نے جرم ثابت ہونے پر ملزم ذاکراحمد کو عمر قید کی سزا سنادی۔
پراسیکیوشن کے مطابق ملزم نے 2022 میں ڈکیتی کی تھی جس کا مقدمہ ڈاکس تھانے میں درج کیا گیا تھا۔ پراسیکیوشن کا بتانا ہے کہ شناخت پریڈ کے دوران گواہوں نے ملزم کو شناخت کرلیا تھا۔
مزید پڑھیں13 کروڑ روپے کی ڈکیتی میں ملوث 4 بہن بھائی عدالتی ریمانڈ پر پولیس کے حوالے
دوسری جانب کراچی ناردرن بائی پاس گلشن چوک محمد خان کالونی میں گھر سے بھاگ کر پسند کی شادی کرنے پر بھانجے اورماموں کو فائرنگ کرکے قتل اور دوسرے ماموں کو زخمی کردیا گیا۔ موٹرسائیکل سوار ملزمان لڑکی کو اپنے ہمرہ لیکر فرارہوگئے، پولیس نے مقتولین کو پناہ دینے والے کو حراست میں لیکرشامل تفتیش کرلیا۔
