-
-
کراچی میں کھارادر کے علاقے میں مخدوش عمارت کی چھت کا ایک حصہ گرنے کے بعد سندھ بلڈنگ کنٹرول اتھارٹی کی ٹیکنکل کمیٹی برائے مخدوش عمارت نے مخدوش عمارتوں کی فہرست جاری کر دی ہے۔
ایس بی سی اے کی جانب سے جاری فہرست کے مطابق 578 عمارتوں کو ناقابل رہائش قرار کر دیا گیا ہے۔ فہرست کے مطابق سب سے زیادہ مخدوش عمارتیں ضلع جنوبی میں واقع ہیں جن کی تعداد 456 ہے، ضلع وسطی کی 66 عمارتوں کو مخدوش قرار دیا گیا ہے۔ ضلع کیماڑی میں ناقابل رہائش عمارتوں کی تعداد 23 ہے۔
مزید پڑھیں:کراچی میں رہائشی عمارت کا ایک حصہ منہدم ہوگیا
ضلع کورنگی اور ضلع شرقی میں مخدوش عمارتوں کی تعداد 14 اور 13 ہے جبکہ ضلع ملیر میں مخدوش عمارتوں کی تعداد 4 ضلع غربی میں مخدوش عمارتوں کی تعداد صرف 2 ہے۔
دوسری طرف ایس بی سی اے کی طرف سے تاحال مخدوش عمارتوں کو خالی کرانے کے اقدامات نہیں کئے گئے۔
