کراچی میں آج بھی موسم گرم، وقفے وقفے سے تیز ہوائیں چلنے کا امکان

کراچی میں آئندہ 24 گھنٹوں کے دوران موسم گرم و مرطوب رہنے کا امکان ہے۔محکمہ موسمیات کا کہنا ہے کہ شہر میں آج تیز ہوائیں چلنے کا بھی امکان ہے۔ محکمہ موسمیات کے مطابق شہر کا زیادہ سے زیادہ درجہ حرارت 34 سے 36 ڈگری سینٹی گریڈ تک جا سکتا ہے۔

موسمیاتی ماہرین کا کہنا ہے کہ ہوا میں نمی کا تناسب 50 سے 75 فیصد کے درمیان رہنے کا امکان ہے جس کے باعث درجہ حرارت 4 سے 6 ڈگری سینٹی گریڈ زیادہ محسوس کیا جا رہا ہے، اس دوران شہریوں کو شدید حبس کا سامنا کرنا پڑ سکتا ہے۔

مزید پڑھیں:کراچی میں درجہ حرارت میں کمی، آج موسم کیسا رہے گا؟
محکمہ موسمیات کے مطابق شہر میں سمندری ہوائیں 24 کلو میٹر فی گھنٹہ کی رفتار سے چل رہی ہیں۔ محکمہ موسمیات کے مچابق کراچی میں گزشتہ 24 گھنٹوں کے دوران کم سے کم درجہ حرارت 28.5 ڈگری سینٹی گریڈ ریکارڈ ہوا۔

دوسری جانب محکمہ موسمیات نے یہ بھی پیش گوئی کی ہے کہ وسطی اور بالائی سندھ میں جاری گرمی کی لہر 12 جون تک برقرار رہ سکتی ہے۔ سندھ کے بیشتر اضلاع میں موسم شدید گرم اور خشک رہنے کا امکان ہے اسی دوران تیز/ گردآلود ہوائیں چلنے کی بھی توقع ہے۔

Web Desk