-
-
عالمی مالیاتی ادارے (آئی ایم ایف) نے فیڈرل بورڈ آف ریونیو (ایف بی آر) سے ریوارڈ پروگرام کی تفصیلات طلب کرلیں ہیں۔
جنگ میوز کے مطابق ایف بی آر نے ٹیکس افسران کے لیے 34 ارب روپے کی انعامی اسکیم شروع کر رکھی ہے جس کے تحت اچھی کارکردگی والے افسران کو ہر ماہ 4 اضافی بنیادی تنخواہ دی جاسکتی ہیں۔
میڈیا رپورٹ کے مطابق ایک سال کے دوران اچھی کارکردگی والے ٹیکس افسران کو 48 بنیادی تنخواہ مل سکتی ہیں، آئی ایم ایف نے پوچھا ہے کہ اسکیم کے نفاذ کے بعد ٹیکس وصولی میں کتنا اضافہ ہوا ہے؟ کیا افسران کا ایک دوسرے کو نامزد کرنے کا طریقہ کار درست ہے۔
مزید پڑھیں:آئی ایم ایف کا بِٹ کوائن مائننگ اور اے آئی کو بجلی فراہم کرنے پر اظہارِ تشویش
انعامی اسکیم کے تحت 20 فیصد افسران کو اے سے ای گریڈ دیا جاسکتا ہے، کم از کم 20 فیصد افسران کو ای گریڈ دینا ضروری ہے، ای گریڈ افسران انعامی رقم کے حقدار نہیں ہیں، انعامی اسکیم میں آئی آر ایس کے 1200، کسٹمز کے 800 افسران اہل ہیں۔
میڈیا رپورٹ کے مطابق ایف بی آر کے آئی ٹی، آڈٹ اور ڈیپوٹیشن پر آئے افسران انعامی اسکیم کے لیے اہل نہیں ہیں جبکہ گریڈ 16 اور نیچے والے گریڈ کے اہلکار بھی اسکیم سے باہر ہیں۔
رپورٹس کے مطابق آئی آر ایس افسران کو پی او ایس سے ہر ماہ 40 ہزار روپے ہاؤس رینٹ کے لیے ملتے ہیں، پی او ایس نظام کے تحت ہر رسید پر ایک روپیہ ایف بی آر کو ملتا ہے، کسٹمز افسران کو جی ڈی سے ہر ماہ 40 ہزار روپے ہاؤس رینٹ کیلئے ملتے ہیں۔
میڈیا رپورٹ کے مطابق کسٹمز فی جی ڈیز 250 روپے اپنے لیے وصول کرتا ہے، اس طرح کی اسکیم پیٹرولیم ڈویژن نے بھی شروع کر رکھی ہے۔
