کراچی میں شدید گرمی کا امکان، پارہ 4 ڈگری مزید بڑھنے کی پیشگوئی

محکمہ موسمیات نے کراچی کے موسم کے حوالے سے خبردار کردیا ہے۔ موسم کا حال بتانے والوں کا کہنا ہے کہ شہر قائد میں 20 اپریل سے درجہ حرارت میں 4 ڈگری کے اضافے کا امکان ہے۔

محکمہ موسمیات کے مطابق کراچی میں 20 سے 23 اپریل کے دوران سمندری ہوائیں بند رہیں گی اور دن کےاوقات میں موسم شدید گرم اور خشک رہے گا، اس دوران راتیں بھی گرم رہنے کا امکان ہے۔ محکمہ موسمیات کا کہنا ہے کہ زیادہ سے زیادہ درجہ حرارت 40 ڈگری سینٹی گریڈ تک جاسکتا ہے۔

مزید پڑھیں:کراچی میں آج سے گرمی بڑھنے کا امکان، پارہ کتنے ڈگری تک جاسکتا ہے؟

شدید گرمی کے پیش نظر محکمہ موسمیات کی جاب سے شہریوں کو مشورہ دیا گیا ہے کہ وہ احتیاطی تدابیر اختیار کریں، دن کے اوقات میں سورج کی براہ راست تپش میں باہر نکلنے سے گریز کریں۔