کراچی میں پی آئی ڈی سی کے قریب ہوٹل سے مضر صحت گوشت، زائد المعیاد بٹر کریم برآمد

سندھ فوڈ اتھارٹی نے پی آئی ڈی سی کے قریب ہوٹل میں کارروائی کرتے ہوئے 25 کلو مضر صحت گوشت، زائد المعیاد بٹر کریم برآمد کرلی ہے۔

تفصیلات کے مطابق کراچی میں معروف ہوٹل چین پر چھاپہ مارا گیا اس دوران مضر صحت اشیاء برآمد ہوئیں جس کا مقدمہ بھی درج کر لیا گیا ہے۔ کارروائی کے دوران 25 کلو مضر صحت گوشت، زائد المعیاد بٹر کریم اور دیگر اشیاء برآمد کیں۔ کچن، واشنگ ایریا بھی حفظان صحت کے اصولوں کے منافی پائے گئے۔

سندھ فوڈ اتھارٹی نے سول جج جنوبی کی عدالت میں مقدمہ داخل کروادیا۔