کراچی میں عید پر موسم گرم رہنے کا امکان، پارہ کتنے ڈگری جاسکتا ہے، محکمۂ موسمیات کی پیشگوئی

کراچی میں عید پر موسم گرم رہنے کی پیشگوئی کی گئی ہے۔ محکمۂ موسمیات کے مطابق شہرِ قائد میں عید کے دنوں میں موسم قدرے گرم اور موسم خشک رہ سکتا ہے، اس دوران زیادہ سے زیادہ درجۂ حرارت 36 سے 38 ڈگری سینٹی گریڈ تک رہنے کا امکان ہے۔

صبح میں شمال مغرب سے گرم اور خشک ہوائیں چل سکتی ہیں جبکہ شام میں سمندری ہوائیں بحال ہو جائیں گی۔ محکمۂ موسمیات کا کہنا ہے کہ 4 اپریل سے درجۂ حرارت میں مذید اضافے کا امکان ہے جبکہ پارہ 39 ڈگری سینٹی گریڈ تک ریکارڈ کیا جاسکتا ہے۔

کراچی میں آج زیادہ سے زیادہ درجۂ حرارت 33 سے 35 ڈگری سینٹی گریڈ کے درمیان بڑھنے کا امکان ہے۔ آج کم سے کم درجۂ حرارت 23.5 ڈگری سینٹی گریڈ ریکارڈ ہوا ہے