کراچی میں موسم مطلع صاف رہنے کا امکان، پارہ کتنے ڈگری تک جا سکتا ہے؟

کراچی میں آئندہ 24 گھنٹوں کے دوران مطلع صاف رہنے کا امکان ہے۔ محکمۂ موسمیات کے مطابق شہرِ قائد میں زیادہ سے زیادہ درجۂ حرارت 30 سے 32 ڈگری سینٹی گریڈ تک جا سکتا ہے۔

محکمۂ موسمیات کا کہنا ہے کہ شہر میں کم سے کم درجۂ حرارت 15 سے 17 ڈگری سینٹی گریڈ تک رہنے کا امکان ہے۔ کراچی میں مشرق کی سمت سے 3 کلو میٹر فی گھنٹہ کی رفتار سے ہوائیں چل رہی ہیں، جن میں نمی کا تناسب 86 فیصد ہے۔

محکمۂ موسمیات کے مطابق کراچی میں پچھلے 24 گھنٹوں میں کم سے کم درجۂ حرارت 15.9ڈگری سینٹی گریڈ ریکارڈ ہوا ہے۔ دوسری جانب سندھ کے بیشتر اضلاع میں موسم خشک رہنے کا امکان ہے۔