-
-
کراچی کے علاقے ملیر اور منگھو پیر میں ڈاکوؤں کی فائرنگ سے مسجد کے پیش امام سمیت 3 افراد زخمی ہوگئے۔ تفصیلات کے مطابق شرافی گوٹھ کے علاقے ملیر ایکسپریس وے ندی کے قریب فائرنگ سے دو افراد زخمی ہوگئے۔ زخمی ہونے والوں کو چھیپا ایمبولینس کے ذریعے جناح اسپتال منتقل کیا گیا ہے۔
پولیس کے مطابق زخمی ہونے والوں کی شناخت 35 سالہ محمد عرفان ولد محمد اسلم اور 50 سالہ محمد نثار ولد محمد ہارون کے ناموں سے کی گئی۔ فائرنگ کا واقعہ ڈکیتی کی واردات کے دوران مزاحمت کرنے پر پیش آیا۔ علاقہ پولیس واقعے کی تحقیقات کر رہی ہے۔
پولیس کے مطابق منگھوپیر کے علاقے اللہ بخش گوٹھ عمرفاروق مسجد کے قریب فائرنگ سے ایک شخص زخمی ہوگیا۔ زخمی ہونے والے شخص عباسی شہید اسپتال منتقل کردیا گیا۔ زخمی ہونے والے شخص کی شناخت 35 سالہ مولانا عبد الصمد ولد غلام حیدر کے نام سے کی گئی۔ فائرنگ کا واقعہ ڈکیتی کے دوران مزاحمت کرنے پر پیش آیا ، علاقہ پولیس واقعے کی تحقیقات کر رہی ہے۔
