آرٹس کونسل میں 17ویں اردو عالمی کانفرنس کی افتتاحی تقریب کے لئے سڑکوں کی بندش کا ٹریفک پلان جاری

کراچی میں آرٹس کونسل آف پاکستان  کے زیر اہتمام جمعرات کو وائی ایم سی اے گروانڈ میں 17 ویں اردو عالمی کانفرنس کی افتتاحی تقریب منعقد ہو گی۔ شام 5 بجے سے رات 8 بجے تک ہونے والی تقریب کے لئے ٹریفک پولیس نے ٹریفک پلان جاری کر دیا ہے

ٹریفک پولیس کے مطابق ایم آر کیانی چوک سے ایوان صدر روڈ ٹریفک کے لئے بند ہو گا، مسجد اہلحدیث کورٹ روڈ سے سندھ اسمبلی کی جانب آنے والی سڑک بھی بند رکھی جائے گی۔

تقریب کے آغاز سے اختتام تک کمرشل گاڑیوں کو فوارہ چوک سے ایوان صدر روڈ، فوارہ چوک سے دین محمد وفائی روڈ، کھجور چوک سے فوارہ چوک، شاہین کمپلیکس سے ایم آر کیانی چوک سے گزرنے کی اجازت نہیں ہو گئی

تقریب کے شرکا کے لئے سرور شہید روڈ، ایوان صدر روڈ نزد پولو گراونڈ، کورٹ روڈ، فیزی لائبریری نزد آرٹس کونسل پر پارکنگ کا اہتمام کیا گیا ہے

ٹریفک پولیس حکام نے عوام سے اپیل کی ہے کہ وہ زحمت اور پریشانی سے بچنے مجوزہ پلان پر عمل کریں اور آمدورفت کے لئے متبادل راستے اختیار کریں۔