-
-
کراچی میں گزشتہ کچھ عرصے سے شہر میں متعدد جرائم کی واداتوں میں ملوث وائٹ کرولا گینگ کی خاتون سمیت 3 ملزمان پولیس کے ہاتھ آگئے۔ ملزمان نے وارداتوں کا انکشاف بھی کرلیا۔
دنیا نیوز کی رپورٹ کے مطابق کراچی پولیس نے کارروائی کرتے ہوئے وائٹ کرولا گینگ کی خاتون سمیت3ملزمان گرفتار کرلیے ۔ پولیس کی جانب سے ملزمان کیخلاف قانونی کارروائی کا آغاز کردیا گیا ہے ۔
ایس ایس پی سینٹرل کراچی کے مطابق گرفتار ملزمان نے اسٹریٹ کرائم کی متعدد وارداتوں کا اعتراف کیا ہے ، گرفتار ملزمان کی شناخت علی، احمداور ملزمہ کی سعدیہ بلال کےنام سےہوئی ہے ۔
ایس ایس پی سینٹرل کا بتاناہے کہ ملزمان سےاسلحہ،5 موبائل فون،3 عدد گھڑیاں، 3عدد والٹ اورکارڈز برآمد ہوئے ہیں ، کارروائی کے دوران ایک ملزم فرارہونے میں کامیاب ہوگیا ۔
