-
-
مائیکرو سافٹ نے اپنا آرٹی فیشل انٹیلی جنس (اے آئی) ٹیکنالوجی پر مبنی ڈیجیٹل اسسٹنٹ کو پائلٹ ونڈوز 10 آپریٹنگ سسٹم میں متعارف کرانے کا فیصلہ کیا ہے۔
اس اے آئی اسسٹنٹ کو پہلے صرف ونڈوز 11 کے لیے جاری کیا گیا تھا مگر اب کمپنی نے اعلان کیا ہے کہ کو پائلٹ کو ونڈوز 10 آپریٹنگ سسٹم کا حصہ بنایا جا رہا ہے۔
اس سے صارفین کو ونڈوز 10 استعمال کرتے ہوئے نئے سسٹم کے فیچرز استعمال کرنے کا موقع ملے گا۔
یہ نیا اے آئی اسسٹنٹ پہلے بیٹا صارفین کو دستیاب ہوگا اور آئندہ چند ماہ کے دوران بتدریج ونڈوز 10 ہوم اور پرو ایڈیشنز کے صارفین کے لیے متعارف کرایا جائے گا۔ کو پائلٹ چیٹ جی پی ٹی پر مبنی اے آئی چیٹ بوٹ ہے جسے متعدد کاموں کے لیے استعمال کیا جا سکتا ہے۔
مائیکرو سافٹ کی جانب سے اکتوبر 2025 تک ونڈوز 10 آپریٹنگ سسٹم کی سپورٹ ختم کرنے کا بھی فیصلہ کیا گیا ہے۔ اس تاریخ کے بعد آپریٹنگ سسٹم کے لیے سکیورٹی اور دیگر اپ ڈیٹس دستیاب نہیں ہوں گی۔
