انٹرنیٹ کی سب میرین کیبل کی مرمت مکمل، تمام سروس معمول کے مطابق ہیں، پی ٹی اے

سمندر کی تہہ میں موجود انٹرنیٹ کی سب میرین کیبل پر ری کنفیگریشن کا عمل مکمل ہوگیا۔ ملک بھر میں انٹرنیٹ کی تمام خدمات معمول کے مطابق جاری ہیں۔

پاکستان ٹیلی کمیونیکیشن اتھارٹی (پی ٹی اے)کے مطابق بین الاقوامی سب میرین کیبل، ایس ایم ڈبلیو 4 کے ایک حصے پر پاور کی ری کنفیگریشن سرگرمی آج اپنے شیڈول کے مطابق مکمل ہوگئی ہے۔

سماجی رابطے کی ویب سائٹ ٹوئٹر پر اپنے جاری کردہ پیغام پی ٹی اے نے بتایا کہ اسلام آباد بین الاقوامی سب میرین کیبل، ایس ایم ڈبلیو 4 کے ایک حصے پر پاور کی ری کنفیگریشن سرگرمی  مکمل ہو گئی ہے۔

پی ٹی اے کے ترجمان نے کہا کہ یہ ایک معمول کی طے شدہ دیکھ بھال ہے، مرمت کی سرگرمی تھی۔ ترجمان پی ٹی اے کا مزید کہنا ہے کہ ملک بھر میں تمام انٹرنیٹ خدمات معمول کے مطابق ہیں۔

واضح رہے کہ 21 اپریل کی رات 2 بجے سے صبح 7 بجے تک پاکستان میں صارفین کو انٹرنیٹ کی رفتار میں کمی کا سامنا کرنا پڑا تھا۔

پاکستان ٹیلی کمیونی کیشن اتھارٹی (پی ٹی اے) کے مطابق بین الاقوامی سمندری پاور کیبل کے ایک حصے پر پاور کی ری کنفیگریشن سرگرمی کے باعث انٹرنیٹ رفتار میں کمی آئی تھی۔