کراچی کے مختلف علاقوں میں بوندا باندی، موسم آج ابرآلود رہے گا، محکمہ موسمیات

محکمہ موسمیات نے پاکستان کے سب سے بڑے شہر کراچی میں آج موسم ابرآلود رہنے کی پیشگوئی کی ہے۔ محکمہ موسمیات کے مطابق مختلف علاقوں میں بوندا باندی ہوئی جبکہ شہر میں تیز ہواؤں کا سلسلہ بھی جاری ہے۔

محکمہ موسمیات کے مطابق صبح اور شام کے اوقات میں ہلکی بوندا باندی ہوسکتی ہے، شہر کا موجودہ درجہ حرارت 27 ڈگری سینٹی گریڈ ہے، جبکہ ہوا میں نمی کا تناسب 84 فیصد ہے۔

محکمہ موسمیات کے مطابق کراچی میں اگلے چند روز تک موسم خوشگوار رہے گا جبکہ اس دوران شہر میں بارش کا کوئی امکان ہے۔

محکمہ موسمیات کا کہنا ہے کہ ملک کے بیشتر میدانی علاقوں میں موسم گرم اور انتہائی مرطوب رہنے کاامکان ہے، شمال مشرقی پنجاب اور کشمیر میں آندھی اور گرج چمک کے ساتھ بارش کاامکان ہے۔