Karachi
Current weather
Humidity-
Wind direction-

کراچی میں میراتھن 2022 کے انعقاد کا فیصلہ

اپ ڈیٹ رہیں – فوری اطلاعات کے لیے ٹی او کے کو واٹس ایپ پر فالو کریں۔

شہرقائد میں اگلے ماہ میراتھن دوڑ کا انعقاد کیا جائے گا جس میں مردوں کے ساتھ خواتین بھی شرکت کرسکیں گی۔ میراتھن کے لئے رجسٹریشن کا عمل آن لائن کیا جائے گا۔

 

تفصیلات کے مطابق کمشنر کراچی محمداقبال میمن نے میراتھن 2022 کے انعقاد کا فیصلہ کیا ہے۔ کورونا کے پیش نظر میراتھن میں حصہ لینے والوں کے لئے ویکسینیشن لازمی قرار دی گئی ہے۔

 

میراتھن 13 فروری کو ڈیفنس میں قائم معین خان اکیڈمی سے شروع ہوگی اور مقررہ روٹ سے ہوتی ہوئی اسی مقام پر اختتام پذیر ہوگی۔ میراتھن میں مردوں کے لئے 10 کلومیٹر اور خواتین کے لئے 6.5 کلومیٹر کا روٹ مقرر کیا جائےگا۔

 

میراتھن میں کورونا ایس او پیز پر سختی سے عملدآمد ہوگا۔ دوڑ میں ممتاز شخصیات ، کھلاڑی ، عام شہری اور پروفیشنل ایتھلیٹ حصہ لے سکیں گے۔

 

کمشنر کراچی محمداقبال میمن نے شہریوں سے زیادہ سے زیادہ رجسٹریشن کروانے کی اپیل کی ہے۔ رجسٹریشن ویب سائٹ اور سوشل میڈیا پر کی جاسکے گی۔

 

شیئر کریں

گوگل نیوز پر ٹائمز آف کراچی کو فالو کریں اور اپنی پسندیدہ مواد کو زیادہ تیزی سے دیکھیں۔
Leave a Reply
ریلیٹڈ پوسٹس
Close Button
Advertisement