-
-
وفاقی ادارہ شماریات نے ماہ جون کے اعداد و شمار جاری کردئے۔ ادارہ شماریات کے مطابق جون کے مہینے میں مہنگائی کی شرح 0.26 فیصد کم ہوئی۔
ادارہ شماریات کے مطابق جون کے مہینے میں مہنگائی میں معمولی کمی دیکھی گئی جبکہ سالانہ مہنگائی کی شرح انتیس اعشاریہ چار صفر فیصد رہی۔
ادارہ شماریات کےمطابق گزشتہ مالی سال مہنگائی کی اوسط شرح 29.18 فیصد رہی،جون میں شہری علاقوں میں مہنگائی 0.10 فیصد ،دیہی علاقوں میں0.76 فیصد کمی ہوئی۔
ادارہ شماریات کے مطابق ایک سال میں سگریٹ کی قیمت میں 129 فیصد سے زائد کا اضافہ ہوا،چائے 113،گندم کا آٹا 90 فیصد ،چاول 73 ،آلو 65 اور گندم 62 فیصد سے زائد مہنگی ہوئی،مرغی 58 فیصد اور دال مونگ 50 فیصد سے زائد مہنگی ہوئی۔
ادارہ شماریات کےمطابق مئی میں مہنگائی کی شرح 38 فیصد تھی،سالانہ بنیاد پرجون 2023 میں شہروں میں مہنگائی 27.3 فیصد جبکہ دیہی علاقوں میں شرح 32.4 فیصد رہی۔
