-
-
ایشیا کپ کے ٹکٹوں کی فروخت کا اعلان کردیا گیا۔ ایشیا کپ کے پہلے مرحلے میں پاکستان میں شیڈول میچز کے ٹکٹوں کی فروخت کل سے شروع ہوگی۔ ٹکٹوں کی قیمت کے حوالے سے تاحال آگاہ نہیں کیا گیا۔
پاکستان کرکٹ بورڈ کے سوشل میڈیا پر جاری کردہ بیان کے مطابق شائقین کرکٹ ایشیا کپ کی ٹکٹ pcb.bookme.pk ویب سائٹ پر جاکر آن لائن خرید سکیں گے۔
🗓️ Mark your calendars! Tickets sale for #AsiaCup2023 will go live from Saturday 🚨
More details ➡️ https://t.co/3fX4ARYiVM pic.twitter.com/n1sZE2SoDe
— Pakistan Cricket (@TheRealPCB) August 11, 2023
پی سی بی کے مطابق میچز کیلئے ٹکٹوں کی قیمتیں اس سوچ کے تحت مناسب رکھی گئی ہیں کہ پاکستان پندرہ سال کے عرصے کے بعد ایشیا کپ کی میزبانی کررہا ہے تاکہ شائقین آسانی سے پاکستانی اور ایشین اسٹارز کو قریب سے دیکھ سکیں۔
پہلے مرحلے میں ملتان کرکٹ اسٹیڈیم اور قذافی اسٹیڈیم لاہور کے وی آئی پی اور پریمئم انکلوژرز کے ٹکٹوں کی قیمتیں سامنے لائی جائیں گی۔ ایشیا کپ کے سری لنکا مرحلے کے ٹکٹوں کی تفصیلات بعد میں جاری کی جائیں گی۔
ملتان اور لاہور کے ہاسپٹلیٹی باکسز بھی فروخت کے لیے دستیاب ہونگے جس کے لیے پاکستان کرکٹ بورڈ کے ہیڈ کوارٹرز میں اس نمبر پر(111227777) رابطہ کیا جاسکتا ہے۔
