-
-
کراچی کے قومی ادارہ برائے امراض قلب میں مریضوں کی تعداد بڑھ گئی ، یومیہ 2 ہزار سے مریض اسپتال کی ایمرجنسی اور او پی ڈی میں رپورٹ ہونے لگے۔
ماہرین امراض قلب کے مطابق دل کے امراض کی سب سے بڑی وجہ سگریٹ نوشی اور پیدل نہ چلنا ہے جو مریضوں کی تعداد میں اضافے کا سبب بن رہا ہے۔ طبی ماہرین کے مطابق کراچی کے شہریوں اصل مسئلہ انکی طرز زندگی ہے۔ جسے تبدیل کرنا انتہائی ضروری ہے ۔
ایگزیکٹو ڈائریکٹر این آئی سی وی ڈی پروفیسر طاہر صغیر کے مطابق سگریٹ نوشی ، مرغن غذاووں کا استعمال ، تاخیر سے سونااور پیدل نہ چلنے کے باعث شہری دل کے مرض کا زیادہ شکار ہو رہے ہیں۔ تاخیر سے کھانا کھانے اور دیر تک سونے والے کم عمر نوجوان بھی امراض قلب سے زیادہ متاثر ہو رہے ہیں۔
پروفیسر طاہر صغیر کے کہنا ہے کہ سالانہ اعداد و شمار کے مطابق این آئی سی وی ڈی اور اس کے سندھ بھر میں قائم سیٹلایٹ مراکز میں مجموعی مریضوں کی تعداد 24 لاکھ کے قریب ہو جاتی ہے۔جو تشویشناک ہے ۔
