-
-
کراچی میں کورنگی روڈ پر واقع کے پی ٹی برج کومرمت کے لئے آج رات سے ایک ماہ کے لئے بند کردیا جائے گا۔
ٹریفک پولیس کے مطابق بلوچ کالونی ایکسپریس وے اور قیوم آباد سےکورنگی روڈ پرآنے والاحصہ بند ہوگا۔ ایک ماہ کے دوران کے پی ٹی برج پر ترقیاتی کام کیا جائے گا،
ترقیاتی کام برج کے بلوچ کالونی سے کورنگی اوراختر کالونی کی جانب جانے والے ٹریک پر کیا جائے گا۔جبکہ دوسرا ٹریفک جو اختر کالونی سے کورنگی اور بلوچ کالونی کی جانب جانے والا ٹریک ٹریفک کیلئے کھلا رہیگا۔
ٹریفک پولیس کی جانب سے شہریوں سے اپیل کی گئی ہے کہ وہ پریشانی سے بچنے کے لئے بلوچ کالونی سے ڈیفنس اور کورنگی جانے کے لئے قیوم آباد (ہینو چورنگی)کا راستہ اختیار کرسکتے ہیں۔
ٹریفک پولیس کی جانب سے مزید کہا گیا ہے کہ عوام کسی بھی رہنمائی کے لئے ٹریفک پولیس کی ہیلپ لائن 1915 پر کال کربھی معلومات لے سکتے ہیں۔
