-
-
کراچی کے علاقے منگھوپیر میں عالمی تبلیغی جماعت کا سالانہ اجتماع 25 دسمبر (جمعرات) کو بعد نماز عصر شروع ہو گا۔
تفصیلات کے مطابق عالمی تبلیغی جماعت کے سالانہ کراچی اجتماع کی تیاریاں مکمل کر لی گئیں ہیں، سالانہ اجتماع ہر سال فروری میں منعقد ہوتا ہے تاہم رمضان المبارک کے باعث اجتماع قبل از قوت منعقد ہو رہا ہے۔ پنڈال میں تقریبا 3 لاکھ 84 ہزار افراد کے رہائش کے انتظامات کئے گئے ہیں جبکہ اختتامی دعا میں 10 لاکھ سے ذائد افراد کی شرکت متوقع ہے۔
منتظمین کے مطابق اجتماع کے دوران 10 مبلغین کا بیان ہوگا، علاقائی حلقوں میں چاروں اطراف 11 مقامات پر تشکیلات کے انتظامات کئے گئے، اجتماع میں تقریبا 32 ہزار خیموں کی بستی آباد ہو گی، ہر خیمے میں 10 سے 12 افراد کے سونے اور سامان رکھنے کی گنجائش ہے۔
مزید پڑھیں:کراچی میں سالانہ تبلیغی اجتماع کا سیکیورٹی پلان تیار
منتظمین کا کہنا ہے کہ اجتماع گاہ کے 22 داخلی دروازے ہیں جبکہ پنڈال کے درمیان 11 راستے بنائے گئے ہیں، شرکاء کے لئے پنڈال کے اطراف 9 ہزار سے زائد بیت الخلاء تعمیر کئے گئے ہیں اور بیک وقت 50 ہزار افراد کے وضو کرنے کا انتظام کیا گیا ہے، پنڈال میں روشنی اور ہر فرد تک بیان کو واضع انداز میں پہنچانے کے لئے بڑے پیہمانے پر لاوڈ اسپیکرز بھی نصب کئے گئے ہیں۔
انتظامات کے حوالے سے آگاہ کرتے ہوئے بتایا گیا ہے کہ لوڈ شیڈنگ میں استعمال کے لئے اسٹینڈ بائی جنریٹر کا بھی انتظام کیا ہے، اجتماع گاہ میں 50 ہزار سے 60 ہزار رضا کار خدمت پر معمور ہونگے، شرکاء کے لئے پینڈال کے اطراف 12 کنٹین شفا خانے، کتب خانے اور بازار کا بھی انتظام ہے، اجتماع گاہ کے باہر شرکاء کے لئے پاکنگ کا بھی وسیع انتظام کیا گیا ہے۔
اجتماع گاہ کے اطراف اورنگی اور منگھو پیر ٹاون کے تحت سڑکوں کی تعمیر کا بھی کام جاری ہے جبکہ پولیس نے بھی سیکیورٹی انتظامات کو حتمی شکل دے ہے۔
