Karachi
Current weather
Humidity-
Wind direction-

یو اے ای کی ویزہ قوانین میں بڑی تبدیلیاں، ویزہ کی نئی اقسام متعارف

United Arab Emirates has introduced several new visa types
اپ ڈیٹ رہیں – فوری اطلاعات کے لیے ٹی او کے کو واٹس ایپ پر فالو کریں۔

متحدہ عرب امارات نے ویزہ قوانین میں بڑی تبدیلیاں کرتے ہوئے متعدد ویزہ کی نئی اقسام متعارف کروادیں۔

تفصیلات کے مطابق متحدہ عرب امارات نے ویزا قوانین میں بڑی ترامیم کرتے ہوئے نئی کیٹیگریز کا اعلان کر دیا ہے اور وزٹ ویزا کی نئی اقسام متعارف کرادی ہیں، جن کا مقصد مصنوعی ذہانت، انٹرٹینمنٹ، عالمی ایونٹس، کروز شپ اور لگژری یاٹ سے وابستہ ماہرین اور سیاحوں کو متوجہ کرنا ہے۔

یہ اعلان فیڈرل اتھارٹی فار آئیڈنٹیٹی، سٹیزن شپ، کسٹمز اینڈ پورٹ سیکیورٹی ۔۔۔ کی جانب سے کیا گیا ہے۔ حکام کے مطابق یہ اقدام امارات کی اوپن پالیسی اور عالمی ٹیلنٹ، انوویٹرز، انٹرپرینیورز اور ٹورسٹس کو متوجہ کرنے کی حکمت عملی کا حصہ ہے۔

مصنوعی ذہانت کے ماہرین:

آرٹیفیشل انٹیلجنس کے ماہرین کے لیے خصوصی ویزہ سنگل یا ملٹی پل انٹری پرمٹ کی صورت میں جاری ہوں گے، بشرطیکہ درخواست گزار کسی مستند ٹیکنالوجی ادارے کی جانب سے تصدیقی خط فراہم کرے۔

انٹرٹینمنٹ انڈسٹری

تفریحی شپ سے متحدہ عرب امارات آنے والے سیاحوں کو ویزہ تفریحی سرگرمیوں میں عارضی شرکت کے لیے جاری کیے جائیں گے۔

ایونٹ پارٹیسپنٹس

کانفرنسز، فیسٹیولز، نمائشوں، سیمنارز اور دیگر ثقافتی، تعلیمی، اسپورٹس یا کمیونٹی ایونٹس کے لیے، کسی میزبان ادارے کی جانب سے تصدیق کے ساتھ۔

کروز شپ اور یاٹ کے ذریعے سیاحت:

کروز لائنرز یا لیژر بوٹس کے ذریعے آنے والے سیاحوں کو ملٹی پل انٹری کی سہولت دی جائے گی، بشرطیکہ ان کا روٹ یو اے ای کی بندرگاہوں پر مشتمل ہو اور کسی لائسنس یافتہ ادارے کی جانب سے اسپانسر شپ موجود ہو۔
ہیومینیٹیرین ریزیڈنسی:

امارات نے ایک سالہ ہیومینیٹیرین ریزیڈنسی ویزا بھی متعارف کرایا ہے، جو تنازعہ یا آفات سے متاثرہ ممالک کے افراد کے لیے ہے۔ اس کے لیے کسی اسپانسر یا میزبان کی ضرورت نہیں ہوگی۔ یہ ویزا قابل توسیع ہے، تاہم ہولڈر کے ملک چھوڑنے کی صورت میں خود بخود منسوخ ہوجائے گا۔

مزید پڑھیں:پاکستانیوں کیلیے یوکے شیوننگ اسکالرشپ کی درخواستیں کھول دی گئیں

بیواؤں اور مطلقہ خواتین کے لیے قیام کی سہولت:

اپ ڈیٹ شدہ قوانین میں غیر ملکی بیواؤں اور مطلقہ خواتین کے لیے ایک سالہ ریزیڈنسی پرمٹ شامل ہے جو ایک سال کے لیے مزید بڑھایا جاسکتا ہے۔ اماراتی شوہر کی بیوہ یا مطلقہ خواتین بغیر بچوں کے چھ ماہ کے اندر درخواست دے سکیں گی۔ غیر ملکی شوہر کی بیوہ یا مطلقہ خواتین، اگر بچوں کی کفالت رکھتی ہیں اور امارات میں موجود تھیں تو درخواست دے سکیں گی۔

رشتہ داروں اور دوستوں کی اسپانسر شپ:

رشتہ داروں اور دوستوں کے وزٹ ویزہ کے لیے اسپانسر کی کم از کم آمدنی مقرر کر دی گئی ہے۔

قریبی رشتہ دار: کم از کم 4,000 درہم ماہانہ آمدنی ہونا ضروری۔
دوسرے یا تیسرے درجے کے رشتہ دار: 8,000 درہم۔
دوست: 15,000 درہم ماہانہ آمدنی۔

دیگر ترامیم

بزنس ایکسپلوریشن ویزا: درخواست گزار کو مالی استحکام یا پیشہ ورانہ سرگرمی کا ثبوت فراہم کرنا ہوگا۔

ٹرک ڈرائیورز ویزا: لائسنس یافتہ فریٹ یا لاجسٹک کمپنی کی اسپانسرشپ کے ساتھ سنگل یا ملٹی پل انٹری پرمٹ جاری ہوگا، جس کے لیے فنانشل گارنٹی، ہیلتھ انشورنس اور فیس کی ادائیگی لازمی ہوگی۔

شیئر کریں

گوگل نیوز پر ٹائمز آف کراچی کو فالو کریں اور اپنی پسندیدہ مواد کو زیادہ تیزی سے دیکھیں۔
Leave a Reply
ریلیٹڈ پوسٹس
Close Button
Advertisement