انٹرمیڈیٹ آرٹس پرائیویٹ گروپ کے نتائج کا اعلان، تینوں پوزیشن طالبات نے حاصل کیں

اعلیٰ ثانوی تعلیمی بورڈ نے انٹرمیڈیٹ آرٹس پرائیویٹ گروپ کے سالانہ امتحانات کے نتائج کا اعلان کردیا۔

جاری اعلامیہ کے مطابق چیئرمین انٹربورڈ کراچی فقیر محمد لاکھو نے نتائج کا اعلان کرتے ہوئے بتایا کہانٹرمیڈیٹ آرٹس پرائیویٹ گروپ کے سالانہ امتحانات میں پہلی تینوں پوزیشن طالبات نے حاصل کی ہے، کرن بنت عبدالرحمن رولنمبر 35719 نے ٹوٹل 1100میں سے 876نمبرز اے ون گریڈ کے ساتھ پہلی پوزیشن حاصل کی۔

اریبہ بنت عبدالرشید رول نمبر 35844 نے 872نمبرز اے گریڈ کے ساتھ دوسری پوزیشن، الفیہ شاہ بنت محمد شاہد رول نمبر 35374 نے 864 نمبرز اے گریڈ کے ساتھ تیسری پوزیشن حاصل کی۔ امتحانات میں 2615 امیدواروں نے شرکت کی اور 1187 امیدوار کامیاب قرار پائے۔

مزید پڑھیں:کراچی بارہویں جماعت پری میڈیکل کے نتائج کا اعلان، تینوں پوزیشن طالبات نے حاصل کیں

ناظم امتحانات زرینا راشد نے بتایا کہ کامیابی کا تناسب 45.39 فیصد رہا ہے، نتائج بورڈ کی ویب سائٹ اور اینڈرائیڈ ایپ پر دستیاب ہیں۔ چیئرمین فقیر محمد لاکھو نے کامیاب طلباء کو مبارکباد پیش کی ہے جبکہ پوزیشن ہولڈرز کے اعزاز میں تقریب بھی منعقد کی جائے گی۔