-
-
سندھ پولیس میں 2 ہزار اے ایس آئی انویسٹیگیشن بھرتی کرنے کا فیصلہ کیا گیا ہے۔
تفصیلات کے مطابق سندھ حکومت کی جانب سے پولیس کی تفتیشی صلاحیت کو مزید بہتر بنانے سے متعلق اہم فیصلہ کیا گیا ہے۔ چیف سیکریٹری سندھ آصف حیدر شاہ کی زیر صدارت اہم اجلاس ہوا۔
اجلاس میں آئی جی سندھ غلام نبی میمن، ایڈیشنل چیف سیکریٹری داخلہ محمد اقبال میمن، سیکریٹری سروسز اور دیگر افسران شریک ہوئے، چیف سیکریٹری سندھ آصف حیدر شاہ نے کہا کہ پولیس فورس کی تفتیشی صلاحیت کو بہتر بنانے کے لیے 2 ہزار اے ایس آئی انویسٹیگیشن بھرتی کیے جائیں گے۔
مزید پڑھیں:سندھ پولیس میں دیگر صوبوں کے ڈومیسائل اورجعلی دستاویزات پر بھرتیوں کا انکشاف
انہوں نے کہا کہ پولیس میں تفتیش کا نظام بہتر ہوگا تو عوام کا اعتماد بڑھے گا، سندھ حکومت کا اقدام پولیس کی تحقیقاتی صلاحیتوں کو بہتر بنانے کے لیے اہم ہے، بہتر تفتیشی نظام سے شہریوں کو فوری انصاف اور جرائم میں واضح کمی ممکن ہے۔
چیف سیکریٹری سندھ نے سیکریٹری روسز کو ہدایت کی کہ اے ایس آئی انویسٹیگیشن کی بھرتی میں تمام رکاوٹیں ختم کی جائیں، پولیس میں ASI انویسٹیگیشن کی بھرتی سے تفتیش کے معیار میں بہتری آئے گی۔ انہوں نے کہا کہ بہتر تفتیش سے انصاف کی فراہمی اور جرائم پیشہ عناصر کی گرفت ممکن ہوگی۔
