-
-
پاکستانی طلبا کے لیے یوکے شیوننگ اسکالرشپس کی درخواستیں آج سے کھل گئیں ہیں۔
برطانوی ہائی کمیشن کی جانب سے بیان میں کہا گیا ہے کہ پاکستانی طلبا کے لیے شیوننگ اسکالرشپ پروگرام کی درخواستیں آج سے کھول دی گئی ہیں۔ یہ عالمی سطح کی اسکالرشپ اُن باصلاحیت مڈ کیریئر پروفیشنلز کے لیے ہے جو معاشرے میں مثبت تبدیلی کے خواہاں ہیں۔
ترجمان نے کہا کہ شیوننگ اسکالرشپ دو سالہ تجربہ رکھنے والے مڈکیریئر پروفیشنلزکیلئے ہے ، جس میں ٹیوشن فیس، ویزہ اخراجات، رہائش اور ماہانہ وظیفہ شامل ہوتا ہے۔
مزید پڑھیں:حکومت سندھ نے طلبہ کے لیے آکسفورڈ یونیورسٹی میں 2 اسکالرشپس متعارف کرا دیں
برطانوی ہائی کمشنر جین میریٹ نے کہا کہ “شیوننگ، پاکستان کے ابھرتے ہوئے لیڈرز کے لیے ایک لانچ پیڈ ہے، امیدواروں کو اپنی قیادت، اثر و رسوخ اور نیٹ ورکنگ کی حقیقی مثالوں کے ذریعے خود کو منوانا ہوگا۔
شیوننگ اسکالرشپ پروگرام میں درخواستیں 5 اگست سے 7 اکتوبر 2025 تک جمع کرائی جا سکتی ہیں۔ یہ پروگرام 1983 میں شروع ہوا اور اب تک 160 سے زائد ممالک کے 60 ہزار سے زائد افراد اس سے فائدہ اٹھا چکے ہیں۔
برطانوی ہائی کمیشن نے تمام اہل امیدواروں سے درخواست کی ہے کہ وہ موقع سے فائدہ اٹھائیں اور اپنے مستقبل کو ایک نئے سفر پر لے جائیں۔
