-
-
رجسٹرڈ عازمین حج سے واجبات کی وصولی کا آغاز آج سے ہوگیا ہے، رجسٹریشن کروانے والے افراد سے پہلی قسط 9 اگست تک وصول کی جائے گی، 11 سے 16 اگست تک نئے عازمین حج بھی اپلائی کرسکیں گے۔
وزارت مذہبی امور کا کہنا ہے کہ’حج پیکج 2026‘ 11 لاکھ 50 ہزار روپے سے 12 لاکھ 50 ہزار روپے کے درمیان ہوگا، وزارت مذہبی امور کی جانب سے کہا گیا ہے کہ خواہشمند افراد نامزد بینکوں اور آن لائن پورٹل کے ذریعے حج درخواستیں جمع کروا سکتے ہیں۔
وزارت مذہبی امور کے مطابق پہلے آئیے پہلے پائیے کی بنیاد پر رجسٹرڈ افراد سے پہلی قسط آج سے 9 اگست تک وصول کی جائے گی، نشستیں دستیاب ہونے پر 11 سے 16 اگست تک نئے عازمین حج بھی اپلائی کر سکیں گے۔
مزید پڑھیں:حج پالیسی 2026 کا اعلان، 4 اگست سے درخواستیں جمع ہونگی
وزارت مذہبی امور کا کہنا ہے کہ نشستیں مکمل ہوتے ہی حج واجبات کی وصولی روک دی جائے گی، دوسری قسط یکم نومبر سے وصول کی جائے گی، دوبارہ حج کرنے اور عمر کی بالائی حد کی پابندی ختم کر دی گئی ہے۔
وزارت مذہبی امور کے مطابق دوسری قسط یکم نومبر سے وصول کی جائے گی، دوبارہ حج کرنے اور عمر کی بالائی حد کی پابندی ختم کر دی گئی ہے، تاہم یکم مارچ 2014 کے بعد پیدا ہونے والے بچے اپلائی نہیں کرسکتے۔
