-
-
اداکار سمیع خان نے اداکارہ علیزے شاہ اور منسا ملک کے درمیان ہونے والی لڑائی کا آنکھوں دیکھا حال بتادیا۔
تفصیلات کے مطابق دونوں اداکارہ کے درمیان ہونے والے تنازع میں اب اداکار سمیع خان بھی سامنے آئے ہیں جو ڈرامے کی کاسٹ کا حصے ہونے کے ساتھ ساتھ واقعے کے عینی شاہد بھی ہیں۔
ایک پروگرام میں سمیع خان نے اداکاراؤں کے نام لیے بغیر ان کے درمیان ہونے والی لڑائی کی حقیقت بتاتے ہوئے کہا کہ وہ میک روم میں بیٹھے فون کال پر اپنا ضروری کام کررہے تھے کہ ایک اداکارہ آئی اور مجھے کہنے لگی کہ میں نے کردیا، اس پر مجھے سمجھ نہیں آیا لیکن اتنی ہی دیر میں دوسری اداکارہ اندر داخل ہوئی اور پھر دونوں کے درمیان لفظی تکرار ہوئی، پھر چپل اٹھا کر پھینکی گئی جو دیوار پر جا لگی۔
مزید پڑھیں:اداکارہ علیزے شاہ کے خلاف ساتھی اداکارہ پر تشدد کرنے کا الزام میں تھانے میں درخواست دائر
انہوں نے کہا کہ میں ضروری کال پر تھا تو اٹھ کر باہر چلا گیا اور پھر فری ہونے کے بعد پورا ماجرا پوچھا۔ اداکار نے مزید کہا کہ سیٹ پر تھپڑ مارا گیا تھا، کسی کو بھی ہاتھ اٹھانے کی اجازت نہیں ہے، اگر کوئی مسئلہ تھا تو ڈائریکٹر سے بات کرنی چاہیے تھی لیکن اچھی بات یہ ہے کہ جس اداکار کے ساتھ زیادتی ہوئی تھی اس نے اپنے ڈرامے کی شوٹنگ کا کام مکمل کیا۔
View this post on Instagram
واضح رہے کہ آج کل اداکارہ علیزے شاہ اور منسا ملک کے درمیان ہونے والی لڑائی خبروں کی زینت بنی ہوئی ہے۔ علیزے شاہ اور منسا ملک نے ایک نجی ٹی وی چینل کےڈرامے میں ایک ساتھ کام کیا تھا جہاں دونوں کے درمیان جھگڑا ہوا جو اس قدر بڑھ گیا کہ نوبت ہاتھا پائی تک آگئی۔
علیزے شاہ نے اپنے ساتھ پیش آئے واقعے کو سوشل میڈیا پر کھل کر بیان کیا اور پورا قصہ بتایا کہ ڈرامے کے سیٹ پر منسا ملک نے پہلے انہیں تھپڑ مارا جس کے جواب میں انہوں نے بھی چپل دے ماری لیکن منسا ملک نے سوشل میڈیا پر مجھے ہی تنقید کانشانہ بنایا جس سے نہ صرف میرا کام بلکہ زندگی بھی متاثر ہوئی۔
