-
-
پاکستان ٹیلی کمیونیکشن اتھارٹی (پی ٹی اے) نے ایک بیان میں کہا ہے کہ نئی پالیسی کے تحت اوورسیز پاکستانیوں کے لیے 120 دن کی ایف بی آر ٹیکس فری موبائل رجسٹریشن کی سہولت ہے۔
پی ٹی اے کے مطابق اس سہولت کو اوورسیز خود کار طریقے سے DIRBS پورٹل پر رجسٹرڈ کروا کر حاصل کر سکتے ہیں۔ پی ٹی اے جاری بیان کے مطابق اوور سیز پاکستانی موبائل رجسٹر کرنے کیلئے اس ویب سائٹ https://dirbs.pta.gov.pk/drs پر وزٹ کرکے رجسٹرڈ کروا سکتے ہیں. اس کے بعد کسی دفتر کے چکر لگانے کی بھی ضرورت نہیں ہے۔
مزید پڑھیں:اوورسیز پاکستانیوں نے ترسیلات زر کا نیا ریکارڈ بنادیا
جاری بیان میں پی ٹی اے کا کہنا تھا کہ پاکستان میں اپنے ہر دورے کے دوران اوورسیز پاکستانیوں کو فیڈرل بورڈ آف ریونیو (ایف بی آر) کی پالیسی کے تحت 120 دن کے لیے موبائل ڈیوائسز کی ایف بی آر ٹیکس فری رجسٹریشن کی سہولت حاصل ہے۔
پی ٹی اے کے جاری بیان کے مطابق اس اقدام کا مقصد پاکستان میں مختصر قیام کے دوران بلاتعطل موبائل کنیکٹیویٹی کی سہولت کی عملی فراہمی کو یقینی بنانا ہے، جو پی ٹی اے کے اُس عزم کا مظہر ہے کہ وہ تمام زائرین کے لیے ڈیجیٹل رسائی کو آسان اور مؤثر بنائے۔
واضح رہے کہ پاکستان ٹیلی کمیونیکیشن اتھارٹی (پی ٹی اے) اس سہولت کی فراہمی مفت اور خودکار عارضی موبائل رجسٹریشن سسٹم کے ذریعے کر رہا ہے، جو DIRBS پورٹل پر دستیاب ہے
