-
-
پاکستان شوبز انڈسٹری کی سابقہ اداکارہ زرنش خان نے میزبان نادیہ خان کو آڑے ہاتھوں لے لیا ہے۔ انسٹاگرام اسٹوری میں نادیہ خان کے ہانیہ اور دلجیت سے متعلق بیان کو ری شیئر کرتے ہوئے زرنش نے انہیں تنقید کا نشانہ بنایا اور کہا کہ عزت دینے سے عزت ملتی ہے۔
گزشتہ روز سوشل میڈیا پر نادیہ خان کا ہانیہ اور دلجیت سے متعلق ایک وضاحتی بیان وائرل ہورہا تھا جس میں انہوں نے کہا تھا کہ میری رائے میں تبدیلی ہانیہ کی نہیں بلکہ دلجیت کے مؤقف کی بنیاد پر ہوئی ہے۔
ان کا کہنا تھا کہ دل بدلنا یا حقیقت کو تسلیم کرنا یوٹرن نہیں ہوتا بلکہ وقت کے ساتھ ساتھ بہتر انداز میں چیزوں کو دیکھنا عقلمندی ہے۔ ساتھ ہی نادیہ نے ساتھی اداکاروں کو ان پر ذاتی حملے کرنے پر قانونی کارروائی کی دھمکی بھی دی تھی۔
زرنش خان نے نادیہ خان کے مذکورہ بیان پر ردعمل دیتے ہوئے لکھا کہ کم از کم اب آپ کو معلوم ہوگیا ہوگا کہ دیگر لوگ کیسا محسوس کرتے ہیں، جب آپ ان کے بارے میں برا بھلا کہتی ہیں۔ انہوں نے لکھا آپ کو کیا حق ہے کہ آپ کسی کے بارے میں ریمارکس پاس کریں، ان کا مذاق اُڑائیں یا ان پر تنقید کریں؟
زرنش خان نے مزید کہا ’اپنی باری آئی تو برداشت نہیں لیکن خود جو مرضی اور جہاں مرضی بیٹھ کر کہتی رہیں، یہ اچھا ہے، عزت دینے سے عزت ملتی ہے، تھوڑا آپ اپنی زبان پر قابو کریں تاکہ باقی کسی کو موقع نہ ملے‘۔
ان کا کہنا تھا کہ ’یہ پیغام صرف ان کے لیے نہیں بلکہ ہماری عوام کو یہ سمجھنے کی ضرورت ہے کہ ہمیں اپنے کام سے کام رکھنے کی ضرورت ہے‘۔
