-
-
کراچی واٹر کارپوریشن کے ترجمان کے مطابق ڈملوٹی پمپنگ اسٹیشن پر 24 گھنٹے بعد بجلی بحال ہونے کے باوجود ایک بار پھر بریک ڈاؤن ہوا ہے، جس کے نتیجے میں ملیر کینٹ، کوکراپار اور میمن گوٹھ کے علاقوں میں پانی کی سپلائی متاثر ہوئی ہے۔
دھابیجی پمپنگ اسٹیشن پر 26 جون کی رات 10 بجے سے بجلی کا بریک ڈاؤن جاری ہے جو 67 گھنٹے سے زائد عرصے تک جاری رہنے کے باوجود اب تک درست نہیں ہو سکا۔ اس کے ساتھ ہی کے تھری پمپ ہاؤس کے 2 پمپ بھی بند ہیں، جس کی وجہ سے ناظم آباد، نیو کراچی، لانڈھی اور کورنگی سمیت شہر کے بیشتر علاقوں میں پانی کی فراہمی سخت متاثر ہوئی ہے۔
مزید پڑھیں؛کے الیکٹرک کی خرابی کے باعث کراچی کے کئی علاقوں کو پانی کی فراہمی معطل
واٹر بورڈ کے اعداد و شمار کے مطابق گزشتہ 67 گھنٹوں میں شہر کو 235 ملین گیلن پانی کی کمی کا سامنا کرنا پڑا ہے۔ تاہم نارتھ ایسٹ کراچی اولڈ پمپ ہاؤس پر بجلی کی فراہمی بحال ہو گئی ہے
ترجمان واٹر بورڈ نے بتایا کہ کے الیکٹرک کی طرف سے مسلسل بجلی کے بریک ڈاؤن نے پانی کی فراہمی کے نظام کو شدید متاثر کیا ہے اور شہریوں کو پانی کی قلت کا سامنا ہے۔
