-
-
سپریم کورٹ کے فیصلے کے بعد قومی اسمبلی میں حکمران اتحاد کو دوتہائی اکثریت حاصل ہوگئی ہے ، قومی اسمبلی کی پنجاب سے خواتین کی 11 مخصوص نشستیں جبکہ خیبرپختونخوا سے خواتین کی 8 اور اقلیت کی 3 مخصوص نشستیں بحال ہوئی ہیں۔ فیصلے کے بعد قومی اسمبلی میں پاکستان مسلم لیگ (ن) کو 14، پیپلزپارٹی کو 5 اور جے یو آئی (ف) کو 3 مخصوص نشستیں ملیں گی۔
خیبرپختونخوا اسمبلی میں خواتین کی 21 اور اقلیت کی 4 مخصوص نشستیں بحال ہوئی ہیں جس کے بعد اب خیبر پختونخوا اسمبلی میں جے یوآئی (ف) کو 10، مسلم لیگ (ن) کو 7، پیپلزپارٹی کو 7 اور عوامی نیشنل پارٹی کو ایک مخصوص نشست ملےگی۔
پنجاب اسمبلی میں خواتین کی 24 جبکہ اقلیت کی 3 نشستیں بحال ہوئی ہیں ،جن میں سے مسلم لیگ(ن) کو 23، پیپلزپارٹی کو 2 ،جبکہ پاکستان مسلم لیگ اور استحکام پاکستان پارٹی کو ایک ایک نشست ملے گی۔ سندھ اسمبلی میں خواتین کی 2 اور اقلیت کی ایک نشست بحال ہوئی ہے جس میں سے پیپلزپارٹی کو 2 اور ایم کیوایم کو ایک مخصوص نشست ملے گی۔ بلوچستان اسمبلی کی پوزیشن پہلے ہی واضح تھی۔
