-
-
جائیداد کی خرید و فروخت میں جعلسازی اب نہیں چلے گی ۔ پراپرٹی کی غلط مالیت بتانے، غلط ٹرانسفر کرنے یا بغیر رجسٹریشن ریئل اسٹیٹ کا کاروبار کرنے والے اب نہیں بچیں گے ۔ حکومت نے ریئل اسٹیٹ سیکٹر میں ٹیکس چوری روکنے کیلئے ریگولیٹری اتھارٹی قائم کرنے کا فیصلہ کرلیا ۔
اتھارٹی پراپرٹی کی غلط مالیت اور معلومات ظاہر کرنے پر سزائیں اور جرمانے کر سکے گی۔ آئی ایم ایف کے وفد نے حالیہ دورے میں ریئل اسٹیٹ سیکٹر میں ٹیکس چوری کا مطالبہ کیا تھاجسکے بعد حکام نے کاروائیاں تیز کرنے کا فیصلہ کیا ہے ۔
میڈیا رپورٹ کے مطابق رجسٹریشن نہ کرانے والے ریئل اسٹیٹ ایجنٹس پر50ہزار سے 5 لاکھ روپے مالیت تک جرمانہ عائد ہوسکے گا، جبکہ ریئل اسٹیٹ ریگولیٹری اتھارٹی کو 3 سال تک قید کی سزا کا اختیار مل سکتا ہے۔ ریگولیٹری اتھارٹی غلط معلومات پر ایجنٹ کا لائسنس منسوخ کرسکے گی، جبکہ غلط معلومات دینے پر 2 سے 5 لاکھ روپے تک جرمانہ ہوسکتا ہے۔
میڈیا رپورٹس کے مطابق اتھارٹی غلط پراپرٹی ٹرانسفر کرنے پر 5 سے 10 لاکھ روپے جرمانہ عائد کرسکتی ہے، ریگولیٹری اتھارٹی کو اسٹیٹ ایجنٹ کی جانب سے مطلوبہ دستاویز فراہم نہ کرنے پر50 ہزار سے 2 لاکھ تک جرمانہ عائد ہوسکے گا۔
