کراچی کے مضافات میں آج آندھی اور گرج چمک کے ساتھ بارش کا امکان

محکمہ موسمیات کا کہنا ہے کہ کراچی میں آج موسم شدید گرم اور مرطوب رہنے کے ساتھ مضافات میں بارش کا امکان ہے۔

محکمہ موسمیات کا کہنا ہے کہ کراچی میں درجہ حرارت 38 ڈگری سینٹی گریڈ تک جانے کا امکان ہے، نمی کا تناسب زائد ہونے سے حبس کے ساتھ گرمی کی شدت 40 ڈگری سے زیادہ محسوس ہوگی۔

محکمہ موسمیات کے مطابق ہوا میں نمی کا تناسب 70 فیصد ہے، مغربی سمت سے 7 کلومیٹر فی گھنٹہ کی رفتار سے ہوائیں چل رہی ہیں۔ اس سے قبل موسمیات کے مرکز نے جون کے آخری ہفتے میں مون سون کی بارشوں کی خوشخبری دیتے ہوئے کہا تھا کراچی سے کشمیر تک بارشوں کا آغاز متوقع ہے۔

مزید پڑھیں:کراچی میں آج بھی بارش کا امکان، کون کونسے علاقوں میں بارش ہوسکتی ہے؟

دوسری جانب خیبرپختونخوا، شمال مشرقی پنجاب، خطہ پوٹھوہار، اسلام آباد، کشمیر گلگت بلتستان میں آندھی اور گرج چمک کے ساتھ چند مقامات بارش کا امکان ہے اور اس دوران بعض مقامات پر ژالہ باری بھی ہو سکتی ہے۔