-
-
کراچی سے اوکاڑہ جانے والا سولر پلیٹ سے بھرا ٹرک مبینہ طور پر لوٹ لیا گیا اور سولر پلیٹ سے بھرے ٹرک کے دو ڈرائیورز کو بھی مبینہ طور پر اغوا کرلیا گیا ہے۔
متاثرہ ٹرک مالک محمد ابرار کا کہنا ہے کہ ٹرک سے لوٹی گئی سلور پلیٹس کی مالیت ڈیڑھ کروڑ روپے سے زائد، سولر پلیٹ لیجانے والا خالی ٹرک شکار پور کے علاقے فوج داری تھانے کی حدود سے لاوارث حالات میں ملا ہے۔
ٹرک مالک نے بتایا ہے کہ فوجداری تھانے کے باہر موجود ہیں مگر پولیس مقدمہ درج نہیں کر رہی، انہوں نے بتایا کہ سولر پلیٹس سے بھرا ٹرک 23 مئی کو کراچی سے نکلا تھا، ٹرک میں 610 والٹ والی 720 سولر پلیٹس موجود تھیں۔
متاثرہ ٹرک مالک نے شکوہ کیا کہ تین دن سے تھانے کے چکر لگا رہے ہیں مگر ایس ایچ او نے مقدمے سے انکار کر دیا ہے، میری آئی جی سندھ، ڈی آئی جی اور ایس ایس پی صاحب سے گزارش ہے میرا مقدمہ درج کیا جائے۔
مزید پڑھیں:کراچی سے بھتہ وصول کرنے والا ملزم گرفتار
کراچی سے اوکاڑہ جانے والا سولر پلیٹ سے بھرا ٹرک لوٹ گیا، پولیس مقدمہ درج نہیں کررہی، ٹرک مالک
