صحرائے تھرمیں شدید گرمی،3 روز میں 65 مور ہلاک

صحرائے تھر میں شدید گرمی حساس اور خوبصورت پرندے مور کےلیے جان لیوا بن گئی۔گرمی کی حالیہ لہر کے دوران 65 سے زائد مور ہلاک ہوگئے ہیں

ضلع تھرپاکر میں جہاں گرمی کی شدت نے انسانوں کے معمولات زندگی کو متاثر کیا، وہیں موروں پرندوں کےلیے بھی جان لیوا ثابت ہوئی ہے۔

مقامی افراد کا دعویٰ ہے کہ بیمار موروں کی تعداد سیکڑوں میں ہے، جن کا علاج نہ ہونے کے باعث روزانہ ایک درجن سے زائد یہ خوبصورت پرندے ہلاک ہوتے جارہے ہیں۔

ڈبلیو ڈبلیو ایف کی تصدیق

محکمہ وائلڈ لائف حکام نے تصدیق کی ہے کہ رواں ہفتے کے دوران تھرپارکر کی تحصیلوں مٹھی اسلام کوٹ اور ڈیپلو کے مختلف دیہی علاقوں میں 65 مور پرندے ہلاک ہوگئے۔

صحرائے تھر میں ہر سال بیماریوں اور خوراک کی کمی سے سیکڑوں مور ہلاک ہوجاتے ہیں۔ تھر کے ان موروں کی زندگی بچانے کے لیے محکمہ وائلڈ لائف کو عملی اقدامات اٹھانے پڑیں گے۔