-
-
میئر کراچی مرتضی وہاب نے ناردرن بائی پر مویشی منڈی کا افتتاح کردیا ہے۔ ڈپٹی میئر کراچی سلمان مراد بھی میئر کراچی کے ہمراہ تھے۔
اس موقع پر میئر کراچی نے کہا کہ منڈی انتظامیہ کا شکر گزار ہوں کہ یہاں مدعو کیا، ایشیا کی سب سے بڑی مویشی منڈی میں لاکھوں جانور آتے ہیں، کراچی والے ہزاروں کی تعداد میں نادرن بائی پاس سے جانور خریدتے ہیں، دعا ہے اللہ قربانی قبول فرمائےاور بیوپاریوں کے روزگار میں برکت دے، ایک ایسا معاشرہ قائم کرنا ہے جہاں ایک دوسرے کی مشکلات میں کمی لائیں۔
انہوں نے کہا کہ منڈی انتظامیہ کو شاندار انتظامات پر مبارکباد دیتاہوں، سیکورٹی کے مسائل حل کریں گے صفائی، خریداروں اور بیوپاریوں کا خیال رکھیں گے کراچی چلتا ہے تو پاکستان چلتا ہے، منڈی کے سبب کراچی میں رونق آتی ہے۔
مرتضی وہاب کا کہنا تھا کہ پاکستان بھر کے بیوپاری کراچی کی منڈی کا رخ کرتے ہیں تاکہ اچھا منافع کماسکتے ہیں، منڈی کیلئے سیکورٹی کے بھی خصوصی اقدامات کیے جائینگے کے ایم سی وٹرنری ڈیپارٹمنٹ کو فعال کیا گیا، انتظامیہ اپنی ذمہ داری مویشی منڈی کے حوالے سے ادا کریں گی۔
کے ایم سی اور کمشنر کراچی کی جانب سے مشترکہ حکمت عملی کے تحت شہر میں کچھ منڈیاں لگائی جائے گی، علاقائی سطح پر منڈیاں لگانے کی اجازت نہیں دی جائے گی انہوں نے کہا کہ میں بھی کچھ دنوں میں مرکزی مویشی منڈی قربانی کے جانور کی خریداری کیلئے آؤنگا، ہم فیملی پرسنز مل کر اجتماعی قربانی کرتے ہیں۔
