Karachi
Current weather
Humidity-
Wind direction-

قائدآباد پولیس کی کارروائی، ڈیڑھ کروڑ روپے سے زائد مالیت کے چاول سے بھرا ٹرک برآمد

اپ ڈیٹ رہیں – فوری اطلاعات کے لیے ٹی او کے کو واٹس ایپ پر فالو کریں۔

قائدآباد تھانے کی حدود میں چاول گودام موڑ کے قریب مسلح ملزمان چاول سے بھرے ٹرک کو اسلحہ کے زور پر اپنی تحویل میں لے کر فرار ہو گئے۔

واردات کے دوران ٹرک ڈرائیور مظمل ولد نصیب الرحمان کو بھی بلیک ریوو گاڑی میں یرغمال بنا کر ساتھ لے جایا گیا۔واقعے کی اطلاع ملتے ہی پولیس نے  فوری طور پر ملزمان کا تعاقب کیا اور اسپتال چورنگی کے قریب سے ٹرک سمیت ملزم کو گرفتار کرلیا۔پولیس کو دیکھتے ہی ملزم کے دوسرے ساتھی ٹرک ڈرائیور کو گاڑی سے اتار کر موقع سے فرار ہو گئے۔

پولیس نے ملزم ظہیر عباس ولد عبدالرشید کو گرفتار کیا، جو ٹرک کو 65 لاکھ روپے میں فروخت کرنے کے لیے دوسرے گروہ کے افراد کا انتظار کر رہا تھا۔گرفتار ملزم نے ابتدائی تفتیش میں انکشاف کیا ہے کہ واردات میں اس کے دیگر ساتھی بھی شامل ہیں,جن کی تلاش جاری ہے۔

قائدآباد پولیس کی جانب سے گرفتار ملزم کے خلاف ضابطے کے تحت مقدمہ درج کر کے مزید تفتیش کا آغاز کر دیا گیا ہے۔

شیئر کریں

گوگل نیوز پر ٹائمز آف کراچی کو فالو کریں اور اپنی پسندیدہ مواد کو زیادہ تیزی سے دیکھیں۔
Leave a Reply
ریلیٹڈ پوسٹس
Close Button
Advertisement