موہن جودڑو ایکسپریس کو پرانے روٹ پر بحال کردیا گیا

موہن جودڑو ایکسپریس کو پرانے روٹ پر بحال کردیا گیا ہے۔ میڈیا رپورٹ کے مطابق ریلوے انتظامیہ نے اعلان کیا ہے کہ موہن جودڑو مسافر ٹرین اپنے سابقہ روٹ پر بحال کردی گئی ہے۔

ریلوے انتظامیہ کے مطابق موہن جو دڑو مسافر ٹرین کا کچھ عرصہ پہلے کراچی تک روٹ بڑھا دیا گیا تھا۔ مذکورہ ٹرین29نومبر سے براستہ دادو اور لاڑکانہ کوٹری سے روہڑی کے درمیان چلائی جائے گی۔

ریلوے انتظامیہ نے کہا ہے کہ عوام موہن جودڑو ایکسپریس کے نئے شیڈول اور دیگر تفصیلات کیلئے ریلوے کی ویب سائٹ یا قریبی اسٹیشن سے رجوع کریں۔