-
-
پاکستانی کوہ پیما حسن جان کراچی کے سب سے بڑے جناح اسپتال میں زیر علاج ہیں۔ وزیر اعلی سندھ کی ہدایت پر ملک کا نام روشن کرنے والے کوہ پیما کا علاج جاری ہے اور انکی حالت بھی اب بہتر ہے۔ حسن جان کی حالت بہتر ہونے پر وزیراعلی سندھ مراد علی شاہ کی جانب سے نیک تمناؤں کے ساتھ انہیں گلدستہ بھی پیش کیا۔ جناح اسپتال کے سربراہ پروفیسر ڈاکٹر شاہد رسول حسن جان کے علاج معالجہ کی خود نگرانی کررہے ہیں۔ حسن جان مزید ایک سے دو دن تک اسپتال میں ہی زیرعلاج رہیں گے، ڈاکٹرز کے مطابق حسن جان کو پاؤں میں تکلیف اور گردوں کا بھی عارضہ لاحق ہے۔ کوہ پیما حسن جانے نے کےٹو اور ننگاپربت کی چوٹیاں سر کی ہوئی ہیں۔ حسن جان پاکستان کی 8 ہزار سے بلند تمام چوٹیاں سر کرنے والے کوہ پیماؤں میں شامل ہیں۔
