-
-
کراچی کے مصروف ترین کاروباری علاقے صدر میں ایک کچرا کنڈی پر زوردار دھماکہ ہواجسکے باعث آس پاس کھڑی ہوئیں کئی گاڑیاں تباہ ہو گئیں۔
پولیس کے مطابق دھماکہ مرشد بازار کے قریب ایک بیکری اور ہوٹل کے باہر ہوا جہاں رات کے اس پہر کافی چہل پہل ہوتی ہے۔
دھماکہ میں زخمی ہونے والوں کو جناح اسپتال منتقل کیا گیا۔ ترجمان جناح اسپتال کے مطابق ایک شخص جاں بحق ہوچکا ہے جبکہ اب تک 13 زخمیوں کو اسپتال منتقل کیا گیا ہے۔ ڈائریکٹر جناح اسپتال ڈاکٹر شاہد رسول کے مطابق زیادہ تر افراد بال بیرنگ لگنے سے زخمی ہوئے ہیں۔
پولیس کے مطابق دھماکا ایک کچرا کنڈی میں ہوا جسے وہاں آگ لگ گئی اور آس پاس کھڑی ہوئیں کئی گاڑیاں تباہ ہو گئیں۔ دھماکے سے قریبی ہوٹلوں اور رہائشی عمارتوں کے شیشے ٹوٹ گئے ۔
اطلاع ملتے ہی پولیس اور رینجرز کی بھاری نفری موقع پر پہنچ گئی اور علاقے کا گھیراؤ کر لیا گیا ہے۔ پولیس کے مطابق بم ڈسپوزل اسکواڈ کو بھی موقع پر طلب کرلیا گیا ہے۔
