کراچی کی ملیر جیل میں قیدی نے ایڈز کا ٹیسٹ مثبت آنے پر اپنی جان لے لی

کراچی کی ملیر جیل میں ایک قیدی نے ایڈز کا ٹیسٹ مثبت آنے پر خودکشی کر لی۔ رپورٹ کے مطابق قیدی ذہنی دباؤ کا شکار تھا۔

جیو نیوز کے مطابق ترجمان وزیرِ جیل خانہ جات سندھ کا کہنا ہے کہ ابتدائی رپورٹ کے مطابق قیدی عزیر خان جدون نے چھلانگ لگا کر خودکشی کی ہے۔ ابتدائی رپورٹ میں بتایا گیا ہے کہ قیدی ایچ آئی وی کا شکار ہونے کے باعث ذہنی دباؤ کا شکار تھا۔

وزیرِ جیل خانہ جات سندھ علی حسن زرداری نے واقعے کا نوٹس لیتے ہوئے حکام کو تفتیش کی ہدایت کر دی۔ وزیرِ جیل خانہ جات سندھ علی حسن زرداری نے آئی جی سندھ کو ہدایت کی ہے کہ فوری تحقیقات مکمل کر کے رپورٹ پیش کریں۔