پی ٹی آئی رہنما یاسمین راشد، محمدالرشید اور اعجاز چوہدری پر جلاؤگھیراؤ کیس میں فردجرم عائد

پاکستان تحریک انصاف کے رہنماؤں ڈاکٹر یاسمین راشد ، محمود الرشید اور اعجاز چوہدری پر جلاؤگھیراؤ کیس میں فرد جرم عائد کر دی گئی۔

لاہور کی انسداد دہشتگردی کی عدالت میں یاسمین راشد اور دیگر کے خلاف تھانہ شاد مان ٹاؤن میں درج جلاؤ گھیراؤ کے مقدمے کی سماعت ہوئی جس میں عدالت نے یاسمین راشد سمیت دیگر ملزمان پر فرد جرم عائد کردی۔

عدالت نے مقدمے میں نامزد میاں محمود الرشید اور اعجاز چوہدری پر بھی فرد جرم عائد کرتے ہوئے آئندہ سماعت پر گواہان کو طلب کرلیا۔عدالت نے ملزمان کاجیل ٹرائل کرنےکاحکم بھی دے دیا۔

واضح رہےکہ ملزمان کےخلاف تھانہ سرور روڈ اور شادمان پولیس نے مقدمات درج کررکھے ہیں۔