Karachi
Current weather
Humidity-
Wind direction-

نہتے فلسطنیوں سے اظہاریکجہتی کرتے ہیں، عالمی برداری ظلم و جبر روکنے کیلئے اسرائیل پردباؤ ڈالے، وزیراعظم کا یوم القدس اور جمعتہ الوداع پر پیغام

اپ ڈیٹ رہیں – فوری اطلاعات کے لیے ٹی او کے کو واٹس ایپ پر فالو کریں۔

عالمی یوم القدس اور جمعتہ الوادع پر پیغام جاری کرتے ہوئے شہباز شریف کا کہنا تھا کہ پوری قوم صیہونی جارحیت اور ظلم و جبر کی مذمت کرتی ہے، ہم نہتے فلسطینی بہن بھائیوں کے ساتھ اظہار یکجہتی کرتے ہیں۔

انہوں نے کہا کہ اسرائیل 7 دہائیوں سےفلسطین، بیت المقدس پر غیرقانونی طور پر قابض ہے، اسرائیل بین الاقوامی قوانین کی مسلسل خلاف ورزی کر رہا ہے، اسرائیلی مظالم پر عالمی برادری خاموش تماشائی کا کردار ادا کر رہی ہے۔

وزیر اعظم کا کہنا تھا کہ اسرائیل گزشتہ برس اکتوبر سے فلسطینیوں پر ظلم و جبرکے پہاڑ توڑ رہا ہے، اب تک 17ہزار بچوں سمیت 32 ہزار فلسطینی شہید جبکہ 70 ہزار زخمی ہوچکے ہیں۔

رہنما مسلم لیگ (ن) نے بتایا کہ ہسپتالوں، پناہ گزین کیمپوں اور اسکولوں کو دانستہ طور پر نشانہ بنایا گیا اور فلسطینیوں تک امدادی اشیا کی رسائی کو روکا گیا، پاکستان 1967 سے پہلے کی آزاد فلسطینی ریاست کی حمایت جاری رکھےگا، پاکستان فلسیطنی بہن بھائیوں کی اخلاقی و سفارتی حمایت جاری رکھےگا۔

ان کا کہنا تھا کہ قوم جمعۃ الوادع کے موقع پر پاکستان میں امن و خوشحالی کے لیے دعا کرے۔

شیئر کریں

گوگل نیوز پر ٹائمز آف کراچی کو فالو کریں اور اپنی پسندیدہ مواد کو زیادہ تیزی سے دیکھیں۔
Leave a Reply
ریلیٹڈ پوسٹس
Close Button
Advertisement