-
-
متحدہ عرب امارات کی ڈیجیٹل گورنمنٹ نے کہا ہے کہ 96 گھنٹے کا ٹرانزٹ ویزہ کسی بھی ایئرلائنز کے ذریعے حاصل کیا جاسکتا ہے۔
ڈیجیٹل گورنمنٹ کی رپورٹ کے مطابق امارات میں دو طرح کے ٹرانزٹ ویزے جاری ہوتے ہیں ایک 48 گھنٹے کے لیے اور دوسرا 96 گھنٹے کیلئے ہوتا ہے۔ 48 گھنٹے کا ٹرانزٹ ویزا فری ہے جبکہ 96 گھنٹے کا ٹرانزٹ ویزا 50 درہم فیس ادا کرنے کے بعد حاصل کیا جاسکتا ہے۔
ڈیجیٹل گورنمنٹ کی رپورٹ میں اماراتی ویزہ حاصل کرنے کے طریقے کے حوالے سے بتایا کہ 96 گھنٹے کا ٹرانزٹ ویزہ امارات کسی بھی ایئرلائنز کے ذریعے حاصل کیا جاسکتا ہےاور اس کی فیس ایئرلائن کے دفتر میں ہی وصول کی جاتی ہے۔
امارات کی قومی ایئرلائنزکے ذریعے ہی ٹرانزٹ ویزا کی درخواست سمارٹ چینلز فار ریزیڈنسی اور سٹیزن شپ (ای چینل)، فیڈرل اتھارٹی برائے شناخت و شہریت، کسٹمز اور پورٹ سکیورٹی یا سمارٹ ایپلی کیشن کے ذریعہ جمع کرایا جاسکتا ہے۔
رپورٹ میں مزید بتایا گیا ہے کہ امارات کی کسی ایئرلائن سے امارات کے کسی شہر سے بذریعہ اپنے مقام تک جارہے ہیں اور آپ کا امارات میں 96 گھنٹے کا ٹرانزٹ ہے تو اس مدت کے اندر آپ کو امارات چھوڑ دینا ہوتا ہے۔
ویزا حاصل کرنے کے لیے پاسپورٹ یا سفری شناختی دستاویز کی میعاد امارات میں داخل ہونے سے پہلے ماہ سے کم نہیں ہونی چاہئے۔ اس کے علاوہ سفید بیک گراؤنڈ والی تصویر، ٹکٹ اور اپنے اگلی منزل کا ویزہ ہونا بھی ضروری ہے۔
