سعودی عرب کی تاریخ میں پہلی مرتبہ خاتون اور مرد خلائی مشن پر روانہ ہوں گے

سعودی عرب کی تاریخ میں پہلی مرتبہ خاتون اور مرد خلاباز خلائی مہم پر روانہ ہوں گے۔ سعودی مرد اور خاتون خلاء باز 9 مئی کو رواں ہوں گے۔

عرب میڈیا کے مطابق علی القرنی اور ریانہ برناوی بین الاقوامی خلائی اسٹیشن جانے والے پہلے سعودی خلاباز ہیں۔ دونوں خلابازوں کے کریڈٹ پر 11 اہم سائنسی تحقیقات شامل ہیں۔

ان تحقیقات میں مائیکرو گریوٹی، انسانی ریسرچ، سیل سائنسز، اور مائیکرو گریوٹی میں مصنوعی بارش کے  لیے تحقیق کے تجربات شامل ہیں۔

سعودی اسپیس اتھارٹی کے مطابق علی اور ریانہ نے بین الاقوامی خلائی اسٹیشن کے سفر کے دوران سائنسی تجربات کرنے کے لیے خصوصی تربیتی پروگرام مکمل کیا ہے۔ دونوں خلاباز 9 مئی کو خلائی اسٹیشن کے لیے روانہ ہوں گے۔