کراچی میں ایک بار پھر ڈینگی کا وار, 2 روز میں 4 اموات

کراچی میں مون سون کی بارشوں کے بعد ڈینگی وائرس نے ایک بار  پھر سر اٹھا لیا ہے ، وائرس سے 2 روز کے دوران 4 اموات ریکارڈ کی گئی ہیں

محکمہ صحت سندھ کے مطابق جناح ہسپتال میں اب تک ڈینگی وائرس سے 3 افراد کی اموات ہو چکی ہیں،  تاہم ایک نجی ہسپتال میں بھی ڈینگی متاثرہ نوجوان کے انتقال کی خبر موصول ہوئی ہے ۔

ڈاکٹرز کا کہنا ہے کہ ڈینگی وائرس میں دوبارہ سے شدت آئی ہے جو کہ انتہائی خطرے کا باعث ہے  ۔

محکمہ صحت سندھ کا کہنا ہے جناح ہسپتال میں ڈینگی بخار میں مبتلا مریض تشویش ناک حالت میں  بلیڈنگ کے ساتھ رپورٹ ہو رہے ہیں۔